ताप्लेजुङ — जिल्लाको सिरिजंघा गाउँपालिका–४ तेल्लोक निवासी खड्कीमाया भट्टराईको लडेर ज्यान गएको छ । ३५ वर्षीया भट्टराईको निघुरे भीरमा घाँस काट्ने क्रममा लडेर मृत्यु भएको जिल्ला प्रहरी कार्यालय ताप्लेजुङका प्रहरी प्रवक्ता विष्णुबहादुर खड्काले बताए ।
उनको शव पोस्टमार्टमपछि दाहसंस्कारका लागि परिवारलाई बुझाइएको प्रहरीले जनाएको छ ।
उनका श्रीमान काजी भट्टराईको पाँच वर्षअघि गोठमा आगो लागेर ज्यान गएको थियो । बापुमा रहेको गोठमा भएको आगलागीबाट मृत्यु भएको स्थानीय लक्षुमन कडरियाले वताए । उनका तीन सन्तान छन् ।