कोरोना मुक्त भएका ३० जना डिस्चार्ज

डिस्चार्ज हुनेमा उदयपुरका एक पत्रकार र धनकुटाका चार स्वास्थ्यकर्मीसमेत छन् । उदयपुरका एक महिला र दुई पुरुष, झापाका ७ पुरुष, मोरङका एक महिलासहित ६ जना, सुनसरीका ४, धनकुटाका २ महिला र दुई पुरुष, खोटाङका एक पुरुष र सप्तरीका २ जना पुरुष गरी २७ जना डिस्चार्ज भएको कोसी अस्पतालका मेडिकल सुपरिटेन्डेन्ट डा. संगीता मिश्रले बताइन् । प्रदेश १ मा संक्रमित भई निको हुनेको संख्या ७६ पुगेको छ ।

ओखलढुंगा र इलामबाहेक प्रदेश १ का १२ जिल्लामा संक्रमितको संख्या २ सय १ पुगेको छ । संक्रमितको उपचारका लागि सुन्दरहरैंचाको गोठगाउँस्थित पूर्वाञ्चल विश्वविद्यालयको अस्पतालमा समेत कोरोना भाइरसको संक्रमितको उपचार सेवा सुरु गरिएको सामाजिक विकास मन्त्री जीवन घिमिरेले बताए । प्रदेश १ को कोसीमा ७०, गोठगाउँमा १ सय ३५ र धरानस्थित बीपी कोइराला स्वास्थ्य विज्ञान प्रतिष्ठानमा २ सय गरी ४ सय ५ शैय्याका कोरोना अस्पताल सञ्चालनमा ल्याइएको छ ।