उदयपुरमा धारिलो हतियार प्रहार गरी श्रीमतीको हत्या - प्रदेश १ - कान्तिपुर समाचार

उदयपुरमा धारिलो हतियार प्रहार गरी श्रीमतीको हत्या 

डिल्लीराम खतिवडा

उदयपुर — रौतामाई गाउँपालिका– ८ झिरुडाँडामा सोमबार बिहान एक जनाले धारिलो हतियार प्रहार गरी आफनै श्रीमतीको हत्या गरेका छन्। 

स्थानीय ५२ वर्षीय विष्णु तामाङले मादक पर्दाथ सेवन गरी ४३ वर्षीया श्रीमती नेप्टिमाया भनिने दिलमाया तामाङको हत्या गरेको जिल्ला प्रहरी कार्यालय उदयपुरले जनाएको छ । विष्णुले धारिलो हतियार प्रहार गरी दिलमायाको हत्या गरेको भनेर स्थानीयले जनाकारी गराएको प्रहरी उपरीक्षक विरबहादुर बुढामगले बताए ।

हत्यामा संलग्न रहेका विष्णुलाई नियन्त्रणमा लिइएको प्रहरी उपरीक्षक बुढामगरले बताए । घटनाको थप अनुसन्धानका लागि जिल्ला प्रहरी कार्यालयबाट प्रहरी टोली घटनास्थलतर्फ गएको उनले वताए ।


प्रकाशित : जेष्ठ १२, २०७७ १३:३०
प्रतिक्रिया
पठाउनुहोस्

कोरोनाले ज्यान गुमाएकी महिलासँगै अस्पतालमा बसेकालाई संक्रमण

कान्तिपुर संवाददाता

काठमाडौँ — टोखा नगरपालिकामा सोमबार दुई जनामा कोरोना संक्रमण पुष्टि भएको छ । उनीहरू ३ र ६ नम्बर वडाका बासिन्दा हुन् ।

संक्रमितमध्ये एक जना कोरोनाले मृत्यु भएकी सिन्धुपाल्चोककी महिलासँगै त्रिवि शिक्षण अस्पतालमा बसेका व्यक्ति रहेको ३ नम्बर वडाध्यक्ष सिंहराज श्रेष्ठले बताए । ‘सिन्धुपाल्चोककी सुत्केरी महिलाको मृत्यु भएपछि उनीहरू वडामा आएका थिए,’ उनले भने, ‘अस्पतालमा सँगै बसेको बताएपछि जेठ ७ गते स्वाब संकलन गरी पठाएका थियौं ।’ संक्रमितको ५ जनाको परिवार छ । जसमध्ये ३ जनाको स्वाब संकलन गरेर पठाउँदा एक जनामा पोजिटिभ देखिएको उनले बताए । ती व्यक्ति ज्याेतिषी पेसामा संलग्न छन् ।

त्यस्तै अर्का संक्रमित किराना पसल सञ्चालक रहेको ६ नम्बर वडाध्यक्ष महेश्वर केसीले बताए । ‘लकडाउनको अवधिमा पनि पसल सञ्चालनमै थियो,’ उनले भने । ती व्यक्तिको परिवारमा श्रीमती र ६ महिनाको बच्चा छन् ।

संक्रमित दुवैलाई अस्पताल पठाई कन्ट्याक्ट ट्रेसिङ सुरु गर्न लागिएको नगरपालिकाको स्वास्थ्य शाखाका सिनियर अहेव कोषविलास बगालेले बताए । नगरपालिकाले तरकारी, औषधि, किराना पसल सञ्चालक तथा जनप्रतिनिधि गरी ३ सय ६ जनाको थ्रोट स्वाब संकलन गरी परीक्षणका लागि पठाएको थियो ।

प्रकाशित : जेष्ठ १२, २०७७ १३:२६
पूरा पढ्नुहोस्
प्रतिक्रिया
पठाउनुहोस्
×