धनकुटा अस्पतालका एक सय जनाको स्वाब संकलन

स्वास्थ्य कार्यालय र जिल्ला अस्पतालमा कार्यरत एक सय कर्मचारी तथा स्वास्थ्यकर्मीको स्वाब पठाइएको हो । जिल्ला अस्पतालमा कार्यरत नर्सको सोमबार संक्रमण पुष्टि भएको थियो । उनीसँगै कार्यरत सहकर्मी पनि उच्च जोखिममा रहेकोले स्वाब परीक्षणका लागि पठाइएको स्वास्थ्य कार्यालय प्रमुख तुलसीप्रसाद गुरागाईंले बताए ।

प्रदेश १ का सामाजिक विकासमन्त्री जीवन घिमिरेसहित धनकुटा पुगेको स्वास्थ्यकर्मी प्राविधिकको टोलीले स्वाब संकलन गरेको थियो । संकलित स्वाबको नतिजा मंगलबार आउने जनाइएको छ ।