खोटाङमा आरडिटी परीक्षणमा दुईमा पोजिटिभ

साकेला गाउँपालिका अध्यक्ष अर्जुनकुमार खड्काका अनुसार दुबईबाट आएका ५८ वर्षीय पुरुष गत बैशाख १२ गते रतन्छा आएका थिए । भक्तपुरको राधेराधेमा बस्दै आएका अर्का युवा बैशाख १३ गते रतन्छा आएका हुन् । उनीहरु १४ दिनसम्म साकेला मावि रतन्छामा बनाइएको क्वारेन्टाइनमा बसेर घर फर्किएका थिए । पोजिटिभ देखिएका दुवैजनालाई फेरि साकेला माविमा बनाइएको क्वारेन्टाइनमा राखिएको अध्यक्ष खड्काले सुनाए । उनीहरु र उनका परिवारको पीसीआर परीक्षणका लागि स्वाब संकलन गरेर धरान पठाइने खोटाङका प्रमुख जिल्ला अधिकारी शालिकराम शर्मा पौडेलले बताए ।