भरुवा बन्दुकसहित पक्राउ
उदयपुर — खोटाङ हलेसी तुवाचुङ नगरपालिका १० एक युवा शुक्रबार हतियारसहित पक्राउ परेका छन् । २५ वर्षीय नवीन राई भरुवा बन्दुकसहित पक्राउ परेका हुन् ।
इलाका प्रहरी कार्यालय हलेसीबाट खटिएको प्रहरी टोलीले राईलाई एक नाल भरुवा बन्दुकसहित पक्राउ गरेको हो । घरनजिकै बारीमा हतियार बोकेर बसिरहेका अवस्थामा राई पक्राउ परेका हुन् । उनीमाथि अनुसन्धान भइरहेको १ नम्बर प्रदेश प्रहरी कार्यालय विराटनगरले जनाएको छ ।
प्रकाशित : वैशाख २६, २०७७ १७:१३