जंगली च्याउ खाँदा संखुवासभामा एक जनाको मृत्यु

जंगली च्याउ खाएर बिरामी भएकी मनिलाको शुक्रबार बिहान उपचारको क्रममा विराटनगरस्थित नोबेल अस्पतालमा मृत्यु भएको सभापोखरी गाउँपालिका अध्यक्ष रत्न सुब्बाले जानकारी दिए ।

जिल्ला अस्पताल खाँदबारीले यहाँ उपचार हुन नसकेपछि वैशाख २३ मा विराटनगर रिफर गरेको थियो । च्याउ खाएर बिरामी परेपछि मनिला वैशाख २१ मा जिल्ला अस्पतालमा भर्ना भएकी थिइन् । सोही दिन मनिलाका पतिले जंगलबाट च्याउ ल्याएका थिए ।

जंगली च्याउ खाँदा मनिला र उनकी छोरी तीन वर्षीया सुपी र छिमेकी २५ वर्षीय दिनेश राई, उनकी श्रीमती २४ वर्षीया अनिता र तीन वर्षीया छोरी आकांक्षा बिरामी भएका थिए । उनीहरुमध्ये पाँच जना उपचारपछि घर फर्किएको जिल्ला अस्पताल संखुवासभाका प्रवक्ता सुजता पौडेलले जानकारी दिइन् ।