नगद लुटेको आरोपमा ७ जना पक्राउ
विराटनगर — खाद्यान्न बोकेको ट्याक्टर रोकेर धम्क्याउँदै नगर लुटपाट गरेको आरोपमा प्रहरीले भोजपुरमा ७ जनालाई पक्राउ गरेको छ । गत सोमबार भोजपुरको रानीटारबाट खाद्यान्न लिएर बालंकातिर जाँदै गरेको ना ७ त ३५० नम्बर ट्याक्टर रोकेर लुटपाट भएको हो ।
सोमबार रातिको यो घटनामा चालकको साथमा रहेको २१ हजार ५ सय रुपैयाँ लुटिएको प्रदेश १ प्रहरी कार्यालयले जनाएको छ । लुटमा संलग्न रहेका आमचोक गाउँपालिका ८ का लोकबहादुर खत्री, प्रमोद खत्री, पदम श्रेष्ठ, मनीष श्रेष्ठ, निशान तामाङ, ठकुन तामाङ र देवराज तामाङ पक्राउ परेका हुन् ।
नगद लुटपछि घरमा लुकेर बसिरहेका उनीहरुलाई खोजीका क्रममा प्रहरीले मंगलबार दिउँसो पक्राउ गरेको थियो । घटनाबारे थप अनुसन्धान भइरहेको प्रहरीले जनाएको छ ।
प्रकाशित : चैत्र २६, २०७६ १२:१२प्रतिक्रिया