सूर्यबहादुर थापा प्रतिष्ठानद्वारा स्वास्थ्य सामग्री हस्तान्तरण

रमेशचन्द्र अधिकारी

धनकुटा — सूर्यबहादुर थापा प्रतिष्ठानले कोरोना भाइरस नियन्त्रणका लागि धनकुटाका विभिन्न स्वास्थ्य संस्थालाई स्वास्थ्य सामग्री हस्तान्तरण गरेको छ । 

प्रतिष्ठानबाट औद्योगिकग्राममा रहेको आइसोलेसन तथा क्वारेन्टाइन, जिल्ला अस्पताल सहित जिल्लाका ११ स्वास्थ्य संस्थाका लागि ७४ थान पीपीई, एम्बुलेन्स चालकका लागि २२ सेट पञ्जा, सेनिटाईजर, साबुन, मास्क लगायतका सामाग्री हस्तान्तरण गरिएको प्रतिष्ठानका अध्यक्ष तथा पूर्वमन्त्री सुनिलबहादुर थापाले जानकारी दिए ।


सामाग्री प्रतिष्ठानका निर्देशक मदन घिमिरेले प्रमुख जिल्ला अधिकारी केशवप्रसाद विमलीलाई हस्तान्तरण गरेका थिए । विपत् व्यवस्थापन समितिमार्फत सामग्री सम्बन्धित संस्थामा वितरण गरिने प्रजिअ विमलीले बताए ।


यसैगरी, प्रतिष्ठानका अध्यक्ष थापा र नेपाल उद्योग वाणिज्य महासंघका राष्ट्रिय उपाध्यक्ष चन्द्र ढकालले उद्योग वाणिज्य संघलाई विभिन्न स्वास्थ्य सामग्री हस्तान्तरण गरेका छन् । पूर्वप्रधानमन्त्री सूर्यबहादुर थापाको नाममा खोलिएको प्रतिष्ठानले वितरित सामग्री हेलिकप्टरबाट ढुवानी गरि धनकुटा पुर्याइएको थियो ।


प्रकाशित : चैत्र २५, २०७६ १९:०६
प्रतिक्रिया
पठाउनुहोस्
ADVERTISEMENT
ADVERTISEMENT

शंकास्पद १७ जनामा कोरोना देखिएन

कान्तिपुर संवाददाता

काभ्रे — कोरोना संक्रमणको आशंकामा नमुना संकलन गरिएका १७ जनाको नेगेटिभ रिपोर्ट आएको छ । जिल्लामा नै पहिलो पटक धुलिखेल अस्पतालमा गरिएको परीक्षणमा सबैको नतिजा नेगेटिभ आएको अस्पतालले जनाएको छ । 

फ्रान्सबाट आएकी संक्रमित युवतीसँगै एउटै फ्लाइटमा आएका पाँच जनामा पनि कोरोना नदेखिएको जनाइएको छ । धुलिखेल अस्पतालमा
आइतबारबाट सुरु भएको परीक्षणमा विदेशबाट हालै फर्किएकाको परीक्षण गरिएको थियो । सबैको नतिजा नेगेटिभ आएपछि भेरिफाई गर्न टेकुस्थित शुक्रराज ट्रपिकल तथा सरुवा रोग अस्पतालमा पुन: परीक्षण गर्दा पनि संक्रमण नदेखिएको अस्पतालले जनाएको छ ।

प्रकाशित : चैत्र २५, २०७६ १८:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×