तेह्रथुमका दुई घरमा आगलागी

चन्द्र कार्की

तेह्रथुम — जिल्लाको छथर गाउँपालिका ४ फाक्चामारामा आइतबार अपरान्ह आगलागी हुँदा २ घर र गोठ जलेका छन् । आगलगीमा स्थानीय सूर्य लिम्बुको फुसको छाना भएको २ घर र गोठ जलेको गाउँपालिका अध्यक्ष सन्तविर लिम्बुले बताए । 

आगलागीबाट लत्ताकपडा, गरगहना, खाद्यान्न, भाडावर्तन लगायतका सामान जल्दा १५ लाख रुपैयाँ बराबरको क्षति भएको अध्यक्ष लिम्बुले बताए ।

प्रकाशित : चैत्र २३, २०७६ १८:२८
प्रतिक्रिया
पठाउनुहोस्

लकडाउन यता १ सय ८७ उडान 

सुरज कुँवर

काठमाडौँ — सरकारले लकडाउन घोषणा गरेयता शनिबारसम्म त्रिभुवन अन्तर्राष्ट्रिय विमानस्थलमा १ सय ८७ वटा उडान भएका छन् । 

नागरिक उड्डयन प्राधिकरणका प्रवक्ता राजकुमार क्षत्रीका अनुसार, लकडाउन सुरु भएको १२ औं दिनसम्म आन्तरिक, अन्तर्राष्ट्रिय र सैनिक उडान समेत गरी शनिबारसम्म काठमाडौंमा १ सय ८७ वटा उडान भएका हुन् ।

आन्तरिकतर्फ पोखरा, लुक्ला, नेपालगन्ज र ताप्लेजुङ लगायत पर्यटकीय सहरमा अलपत्र परेका विदेशीलाई आन्तरिक उडान गर्ने एयरलायन्सका जहाजले ९८ वटा उडान गरेर काठमाडौं ल्याएका थिए । त्यस्तै आन्तरिकतर्फ हेलिकप्टरले विदेशी तथा नेपाली बिरामी र पर्यटक उद्धार गर्न ५१ वटा उडान गरेको तथ्यांकमा देखिन्छ ।

त्यसैगरी नेपालमा अलपत्र परेका विदेशी पर्यटकलाई उद्धार गर्न १८ वटा अन्तर्राष्ट्रिय उडान भएका छन् । नेपाली सेनाले स्वास्थ्य सम्बन्धि सामाग्री ढुवानी उद्धार लगायतकालागि २१ वटा सैनिक विमानबाट आन्तरिक उडान गरेको तथ्यांकमा देखिन्छ ।

अन्तर्राष्ट्रियतर्फ सबैभन्दा धेरै काठमाडौं–दोहा उडान भएको देखिन्छ भने आन्तरिकमा सबैभन्दा धेरै काठमाडौंबाट लुक्ला र पोखराका लागि उडान भएको देखिन्छ ।

आउने र जानेगरी भएका १ सय ८७ उडानमध्ये अधिकाशं एकतर्फी खाली उडान हुन् । आन्तरिकमा बाहिर जाँदा खाली जहाज तथा हेलिकप्टर उडेका थिए भने फर्किदा विदेशीलाई काठमाडौं ल्याइएको थियो ।

अन्तर्राष्ट्रिय उडानतर्फ जेट विमानहरु आउँदा खाली आएका थिए भने, फर्किदा विदेशी पर्यटकलाई उद्धार गरिएका उडान भएका थिए । त्यस्तै नेपाल वायुसेवा निगमले काठमाडौंका लागि चीनबाट दुईटा कार्गो उडान गरेको थियो ।

लकडाउन भएपछि सर्वाधिक उडान चैत्र १५ गते शनिबार भए । त्यसदिन आन्तरिक, अन्तर्राष्ट्रिय र सैनिक उडान ४८ वटा भए ।

सरकारले चैत ११ गते मंगलबारदेखि एक साताका लागि लकडाउन सुरु गरेको थियो । तर, लकडाउन सुरु हुनुभन्दा दुई दिन अघि (चैत ९ गते) राति १२ बजेपछि अन्तर्राष्ट्रिय यात्रु आगमन रोक लगाएको थियो ।

उक्त रोकपछि सोमबार (चैत्र १० गते) ८ वटा अन्तर्राष्ट्रिय र ३ सय हाराहारी आन्तरिक उडान भएका थिए । तर लकडाउनको पहिलो दिन कुनै पनि गैरसैनिक उडान भएनन् । क्षत्रीका अनुसार, ७० वर्ष लामो हवाई इतिहास भएको नेपालमा लकडाउनको पहिलो दिन चैत ११ गते कुनै पनि उडान भएनन ।

तर, सैनिक उडान अर्न्तगत नेपाली सेनाको हेलिकप्टर त्यसदिन ओखलढुंगा पुगेर काठमाडौं फर्केको थियो ।

प्रकाशित : चैत्र २३, २०७६ १८:२३
पूरा पढ्नुहोस्
प्रतिक्रिया
पठाउनुहोस्
×