१४.०६°C काठमाडौं
काठमाडौंमा वायुको गुणस्तर: १५७

गरिबी न्यूनीकरणको रकम कोरोना रोकथाममा 

उदयपुर — सामुदायिक वन उपभोक्ता महासंघ उदयपुरले समूहमा रहेको ‘गरिबी न्यूनीकरण कोष’ को रकम कोरोना भाइरस (कोभिड १९) को जोखिम न्यूनिकरण तथा रोकथामका लागि खर्च गर्ने भएको छ । 

३ सय ५० भन्दा बढी समूह रहेको महासंघले वार्षिक स्वीकृत कार्यक्रमको अधिनमा रही ‘गरिबी न्यूनीकरण कोष’ को रकमबाट खाद्यान्न, मास्क, सेनिटाइजर, साबुन लगायतका सामग्री खरिदमा खर्च गर्ने जनाएको छ । यसरी खरिद गरिएका सामग्री ८ स्थानीय तह रहेको उदयपुरका ७५ वडामा वितरणको व्यवस्था गर्न समूहलाई अनुरोध गरेको महासंघ अध्यक्ष कुसलबाबु बस्नेतले बताए ।


प्रत्येक सामुदायिक वन उपभोक्ता समूहले वार्षिक आम्दानीको ३५ प्रतिशत रकम गरिबी निवारणमा खर्च गर्नु पर्ने हुन्छ । चालु आर्थिक वर्षको यो अवधिमा मात्रै जिल्लाका समुदायिक वन उपभोक्ता समूहसँग ‘गरिबी निवारण कोष’ ५० लाख रुपैयाँ भन्दा बढी रकम मौज्दात रहेको डिभिजन वन कार्यालय गाईघाटका सूचना अधिकारी सहायक वन अधिकृत जागेश्वर साहले बताए ।


महासंघ, डिभिजन वन कार्यालय गाईघाट र त्रिवेणी, वन पैदावार व्यवसायी संघ समेतको उपस्थितमा मंगलबारको बैठकले सरकारले कोरोना भाइरस रोकथामका लागि स्थापना गरेको केन्द्रिय राहत कोषमा २ लाख २५ हजार ५ सय २५ र जिल्लाका ८ स्थानीय तहलाई ५० हजारका दरले ४ लाख रुपैयाँ कोरोना जोखिम न्यूनिकरण तथा रोकथामका लागि सहयोग गर्ने निर्णय भएको अध्यक्ष बस्नेतले जनाए ।


त्यसैगरी महासंघले स्थानीय तहसंगको सहकार्यमा ७५ वडा मै कोरोना रोकथामा तथा न्यूनीकरण अभियान संचालन गर्ने भएको छ । समुहले खरिद गरेको खाद्यन्य, माक्स, सेनिटाइज, सावुन स्थानीय तहको समन्वयमा स्थानीय स्तरमै वितरण गर्ने व्यावस्था मिलाउन समुहलाई अनुरोध गरिएको अध्यक्ष बस्नेतले बताए ।

प्रकाशित : चैत्र १८, २०७६ १७:४५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?