कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

विराटनगर महानगरद्वारा एक करोडको राहत कोष स्थापना 

अतिविपन्‍न परिवारको तथ्याङ तयारी गरी राहत वितरणको तयारी
विनोद भण्डारी

विराटनगर — विराटनगर महानगरपालिकाले लकडाउनबाट प्रभावित नगर क्षेत्रका दैनिक मजदुरी गरेर परिवारको गुजरा चलाउँदै आएका विपन्‍न, सुकुम्बासी र सीमान्कृत परिवारलाई पर्न सक्ने खाद्यान्‍न अभावलाई व्यवस्थापन गर्न एक करोड रुपैयाँको  विपद् राहत कोष स्थापना गरेको छ ।

उक्त कोषमा महानगर प्रमुख भीम पराजुलीले एक वर्ष आफूले पाउने सेवा सुविधा बापतको र अन्य जनप्रतिनिधि तथा कार्यपालीका सदस्यहरुले एक एक महिनाको सेवा सुविधा जम्मा गर्ने घोषणा गरेका छन् । त्यसैगरी महानगरका अधिकृत तहका कर्मचारीले पाँच र सहायक अधिकृत तहका कर्मचालीले तीन दिनको तलब जम्मा गर्ने घोषणा गरेको प्रमुख पराजुलीले बताए ।


महानगरले कृषि विकास बैंक विराटनगरको खाता नं ०६०१६०११४५९७३०४० मा राहतकोष स्थापना गरेको हो । उक्त कोषमा रकम जम्मा गर्न महानगरले सहयोगी हातलाई अपिल पनि गरेको छ ।


यसैबीच महानगरले लकडाउनवाट प्रभावित नगर भित्रका अति विपन्‍न र सीमान्कृत परिवारको तथ्यांक संकलन गरेर राहत वितरणको तयारी गरेको उपप्रमुख इन्दिरा कार्कीले बताइन् । महानगरले १९ वटै वडा अध्यक्ष र सदस्यहरुको सक्रियतामा त्यस्ता परिवारको तथ्याङ संकलन गरेर परिवार संख्याका आधारमा खाद्यान्‍नको प्याकेट बनाएर घर घरमा पुर्‍याउने तयारी गरिएको कार्कीले बताइन् ।


बजारमा दैनिक उपभोग्य सामाग्रीको अभाव र कालो बजारी नहोस भन्‍न महानगरले बजार अनुगमनलाई पनि प्राथामिकता दिएको उल्लेख गर्दै उपप्रमुख कार्कीले भनिन् खाद्यन्न, फलफूल, दूधदही लगायतका पसलमा मूल्य सूची राख्‍न निर्देशन दिएको छ । मूल्य सूची नराख्ने पसललाई कारबाही गरिने उनको भनाई छ ।

प्रकाशित : चैत्र १७, २०७६ ११:०९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?