धरान पनि लकडाउन
सुनसरी — कोरोना भाइरसको सम्भावित संक्रमणबाट बच्न धरान उपमहानगरपालिकाले सोमबारदेखि अनिश्चितकाल सम्मका लागि लकडाउन घोषणा गरेको छ । कोरोनाको संक्रमण फैलन नदिन उपमहानगरपालिकाले लकडाउन घोषणा गरेको हो ।
उपमहानगरपालिकाले कोरोना संक्रमणबाट बच्न र अरुलाई बचाउन घर भित्रै सुरक्षित रहन अनुरोध गरेको छ ।
उपमहानगरपालिकाले माइकिङ गरेर कोरोना भाइरसको संक्ररण जोखिम बढेकाले अति आवश्यक बाहेक सवारी साधन नचलाउन अनुरोध गर्दै लकडाउन गरिएको धरान उपमहानगरपालिकाका प्रमुख तिलक राईले बताए ।
उनले अति आवश्यक बाहेकका पसल, कल कारखाना, व्यापारिक कारोबार बन्द गरिदिन नगरबासीमा आहृान गरेको बताए । आज विहानदेखि एक जिल्लादेखि अर्को जिल्ला सञ्चालन हुने सवारी साधनमा पनि रोक लगाइएको छ ।
लकडाउन घोषणा गरेअनुसार अनुगमन गर्न धरानमा प्रहरी निरीक्षक हेमराज ओलीको कमाण्डमा र्यापिड रेस्पोन्स टिम समेत परिचालन गरिएको इलाका प्रहरी कार्यालयका डीएसपी ढुण्डीराज न्यौपानेले बताए ।
यसैबीच धरान–१३ फुश्रेस्थित सैनिक आवासीय महाविद्यालयको एउटा भवनमा ६२ बेडको क्वारेन्टाइन गृह बनाइएको छ ।
प्रकाशित : चैत्र १०, २०७६ १९:०६