आगलागीबाट ६५ लाखको क्षति
ताप्लेजुङ — मैवाखोला गाउँपालिकाको केन्द्र साँघु बजारमा भएको आगलागीबाट ६३ लाख ३५ हजार बराबरको क्षति भएको छ । आइतबार दिउँसो भएको आगलागीले साँघु ३ का मानबहादुर प्रसाईंको ४ तले घर पूर्णरुपमा जलेको हो ।
जिल्ला प्रहरी कार्यालय ताप्लेजुङका अनुसार उक्त घरमा औषधि, भाँडाकुँडा पसल र ट्रेलर सेन्टर थियो । घरसँगै नगद २ लाख ६५ हजार र ५ तोला सुन पनि जलेको प्रहरीले जनाएको छ । छिमेकी दावा जामु शेर्पाको घरमा सामान्य क्षति पूगेको सूचना अधिकारी प्रहरी नायव उपरीक्षक विष्णुबहादुर खड्काले बताए ।
घरमा रहेको ग्यास सिलिण्डर लिक भई आगलागी भएको प्रहरीले जनाएको छ ।
प्रतिक्रिया