हत्या गरिएको अवस्थामा महिलाको शव फेला
तेह्रथुम — तेह्रथुमको आठराई गाउपालिका–४ ईवा तीनसल्लेमा एक महिलाको हत्या गरिएको अवस्थामा बिहीबार शव फेला परेको छ ।
२८ वर्षीया विन्दा पुरीको ईवा तीनसल्लेस्थित आफ्नै घरमा हत्या भएको अवस्थामा शव फेला परेको ईलाका प्रहरी कार्यालय संक्रान्ति बजारका प्रहरी निरीक्षक शेसकराम थान्दारले जानकारी दिए ।
घटनाको थप अनुसन्धानका लागि प्रदेश प्रहरी कार्यालय विराटनगरबाट तालिम प्राप्त कुकुरसहितको टोली बिहीबार साँझ घटनास्थल आइपुगेको प्रहरी निरीक्षक थान्दारले बताए ।
विन्दाका श्रीमान् दुबईमा कार्यरत छन् । उनका १० वर्ष र १५ महिनाका दुई छोराहरू छन् ।
प्रकाशित : फाल्गुन २९, २०७६ १८:५५प्रतिक्रिया