एक सातादेखि बेपत्ता युवक मृत फेला
खोटाङ — जिल्लाको जन्तेढुंगा गाउँपालिका–१ बोपुङका २१ वर्षीय आशिष राई मृत फेला परेका छन् । गत फागुन ९ गते शिवरात्रीको दिन हराएका उनी स्थानीय कुटीटारस्थित सुनकोसी नदीको किनारमा मृत फेला परेका हुन् ।
राईको लडेर, पानीमा डुबेर या अन्य कारणले मृत्यु भएको भन्ने यकिन हुन बाँकी रहेको जिल्ला प्रहरी कार्यालय खोटाङका प्रहरी नायव उपरीक्षक वामदेव गौतमले बताए । पोस्टमार्टमका लागि प्राथमिक स्वास्थ्य केन्द्र चिसापानी उनको शव पठाइएको डीएसपी गौतमले बताए ।
प्रतिक्रिया
