संखुवासभा साक्षर घोषणा 

दीपेन्द्र शाक्य

संखुवासभा — संखुवासभालाई ५३ औं साक्षर जिल्ला घोषणा गरिएको छ । विज्ञान प्रविधि तथा शिक्षामन्त्री गिरिराजमणि पोख्रेलले शुक्रबार खाँदबारीमा आयोजित एक कार्यक्रममा ५३ औं साक्षर जिल्लाको रुपमा घोषणा गरे । 

यो जिल्लामा ९५ दशमलव ६३ प्रतिशत साक्षर छन्। उनले आगामी २ वर्षभित्र देशलाई साक्षर राष्ट्रको रुपमा घोषणा गर्ने प्रतिबद्धता व्यक्त गरे।


उनले कुनै पनि बालबालिका शिक्षाको उज्यालो घामबाट वञ्चित हुन नपरोस् भन्दै बालबालिकाहरुलाई प्रविधिमैत्री र गुणस्तरीय शिक्षाका लागि देशका सामुदायिक विद्यालयका शिक्षकहरु शैक्षिक गुणस्तर निमार्ण गर्न लाग्नुपर्ने बताए। मन्त्री पोख्रेलले सम्बोधनकै क्रममा देशभरी ३९ हजार शिक्षक अपुग रहेको स्मरण गरे। प्राविधिक धारको शिक्षक र ल्याब शिक्षाको समाधान गर्न नेपाल सरकार लागि परेको पनि उनले बताए।
प्रकाशित : फाल्गुन ९, २०७६ १८:००

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

राष्ट्रपति भण्डारीद्वारा पशुपतिमा पूजाअर्चना

कान्तिपुर संवाददाता

काठमाडौँ — राष्ट्रपति विद्यादेवी भण्डारीले महाशिवरात्रिको अवसरमा पशुपतिनाथ मन्दिर पुगेर पूजाआजा गरेकी छन् । राष्ट्रपति भण्डारी शुक्रबार पशुपतिनाथ मन्दिर पुगेर करिब १५ मिनेट आराध्यदेव शिवको विशेष पूजाआजा गरेकी हुन् । 

राष्ट्राध्यक्षले आराध्यदेव पशुपतिनाथको दर्शन गर्ने प्रचलन अनुसार उनले पशुपतिनाथको दर्शनसँगै पूजाआजा गरेकी हुन्।

त्यस्तै उपराष्ट्रपति नन्दबहादुर पुनले पनि पशुपतिनाथ मन्दिरमा पुगेर विशेष पूजाआजा गरेका छन्।

सो अवसरमा संस्कृति, पर्यटन तथा नागरिक उड्डयन मन्त्री योगेश भट्टराईले पनि पशुपतिनाथ मन्दिरको दर्शन गरे। राष्ट्रपति उपस्थित हुने भएपछि पाशुपत क्षेत्रमा सुरक्षा व्यवस्था कडा पारिएको थियो।

प्रकाशित : फाल्गुन ९, २०७६ १७:५१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×