मोटरसाइकल जुध्दा २ को मृत्यु, २ जना घाइते

विनोद भण्डारी

विराटनगर — मोरङको सुन्दर हरैचास्थित सलकपुरमा शुक्रबार मध्यरात दुई मोटरसाइकल आपसमा जुध्दा २ जनाको घटनास्थलमा मृत्यु भएको छ । २ जना सख्त घाइते छन् ।

प्रहरीका अनुसार पूर्वबाट पश्चिम गएको र पश्चिमबाट पूर्व गएको को ३७ प १७ र को ३४ प ६६०२ नम्बरको मोटरसाइकल जुध्दा सुन्दर हरैचा ८ का विशाल खत्री र १२ का अपर्ण गुरागाईंको मृत्यु भएको हो। प्रहरीको अनुसार लक्ष्मण खत्री र प्रवीण थापा सख्त घाइते छन्। प्रकाशित : फाल्गुन ३, २०७६ ११:४८

ADVERTISEMENT
प्रतिक्रिया
पठाउनुहोस्
ADVERTISEMENT

सरकारको दोस्रो वर्ष विकास आरम्भको हो : प्रधानमन्त्री [लाइभ हेर्नुहोस्]

कान्तिपुर संवाददाता

काठमाडौँ — प्रधानमन्त्री केपी शर्मा ओलीले चालु आर्थिक वर्षलाई विकासको आरम्भको वर्षका रूपमा लिएको बताएका छन् । प्रतिनिधिसभाको शनिबार जारी बैठकमा विशेष सम्बोधन गर्दै ओलीले आफू नेतृत्वको सरकारको पहिलो वर्ष आधार वर्ष भएको र चालु दोस्रो आर्थिक वर्षलाई विकासको आरम्भको वर्ष भएको बताएका हुन् ।

'पहिलो वर्षलाई आधार वर्षका रूपमा लिएका थियौं। चालु दोस्रो आर्थिक वर्षलाई विकासको आरम्भको वर्षका रूपमा लिएका छौं,' ओलीले भने।

बलियो जगमा उभिएको सरकार भएकाले काम गर्ने शैली फरक रहेको प्रधानमन्त्री ओलीको भनाइ थियो। उनले 'आफ्नै आयू भविष्यको टुंगो नभएको सरकारले गर्ने काम र बलियो जगको र भविष्यको टुंगो भएको सरकारले गर्ने काम फरक हुने' भन्दै उनले वर्तमान सरकारले लोकरिझ्याँइ र इच्छासूचीका योजना नल्याएको दाबी गरे।

उनले दोस्रो वर्षमा सरकारले ५५ नयाँ कानुन निर्माण भएका गरेकोलाई उपलब्धिका रूपमा प्रस्तुत गरेका छन्। त्यस्तै, २०१ ऐन संशोधन र १३ ऐन खारेज गरेर संघीयतालाई कार्यान्वयन गर्न सरकार लागेको भन्ने पुष्टि भएको बताए। उनले लोकतन्त्र विस्तारित हुँदै गएको दाबी गरेका छन्।

प्रकाशित : फाल्गुन ३, २०७६ ११:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×