ट्याक्टर दुर्घटनामा चालकको मृत्यु

माघ २६, २०७६आनन्द गौतम

ताप्लेजुङ — पाँचथरको फिदिम नगरपालिका–४ थापाटारमा ट्याक्टर दुर्घटना हुँदा चालकको मृत्यु भएको छ । फिदिम–४ माझिटारका शुक्रराज माझिको मृत्यु भएको पाँचथर प्रहरी कार्यालयमा प्रहरी निरिक्षक तथा सूचना अधिकारी रोहन अर्यालले जानकारी दिए ।

दुर्घटनामा परि ट्याक्टरमा रहेका १२ वर्षीय बालक मनिस माझी घाइते भएका छन् । उनको पाँचथर जिल्ला अस्पतालमा उपचार भइरहेको छ । एफएक्स निर्माण कम्पनीको ग १ त ३७९९ नम्बरको ट्याक्टर मेची राजमार्ग अन्तर्गत हेवा खेला छेउमा शनिबार साँझ दुर्घटना भएको हो । दुर्घटनाको कारण खुलेको छैन ।