कुटपिटले युवकको मृत्यु

मंसिर २८, २०७६कान्तिपुर संवाददाता

विराटनगर — सोलुखुम्बुको दूधकोसी गाउँपालिका-३ दाम्कुमा कुटपिटबाट एकजनाको मृत्यु भएको छ । स्थानीय कर्णबहादुर कार्कीको बिहे घरमा भेला भएको एक समूहको कुटाइले १८ वर्षीय पबिधन राईको मृत्यु भएको प्रहरीले जनाएको छ ।

दुई दिनअघिको सो घटनामा सिकिस्त भइ उपचारका लागि काठमाडौंस्थित केएमसी अस्पतालमा लगिएको राईको उपचारकै क्रममा शुक्रबार मृत्यु भएको प्रहरीले जनाएको छ । कुटपिटमा संलग्नमध्ये डाकमान कार्कीलाई प्रहरीले पक्राउ गरेको छ । अन्यको खोजी भइरहेको प्रहरीले जनाएको छ ।

प्रकाशित : मंसिर २८, २०७६ १२:२२

प्रतिक्रिया