मादेन मृत भेटिए
ताप्लेजुङ — मोरङको पथरी शनिश्चरे नगरपालिका वडा नं ९ घर भएका भीमकुमार मादेन लिम्बु ताप्लेजुङको एक होटलमा मृत अवस्थामा भेटिएका छन् ।
मादेन सदरमुकाम फुङलिङस्थित तागेरा होटलको कोठामा मृत अवस्थामा भेटिएको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक बिष्णुबहादुर खड्काले जानकारी दिए ।
होटलको कोठामा पसेका लिम्बूलाई खाना खान बोलाउँदा नआएपछि हेर्दा मृत अवस्थामा भेटिएको प्रहरीले जनाएको छ । प्रहरी निरिक्षक खड्काले मादेन मुटु र रक्तचापका बिरामी रहेको परिवारले जानकारी दिएको बताए ।
नियमित औषधि सेवन गर्ने मादेनको साथमा औषधि पनि पाइएको खड्काले जानकारी दिए । घटनाबारे आवस्यक अनुसन्धान जारी रहेको र मादेनका परिवार आइसकेकाले पोष्टमार्टम गरेर शव जिम्मा लगाउने तयारी भइरहेको प्रहरीले जनाएको छ ।