कान्तिपुर वेबसाईट
AdvertisementAdvertisement

मादेन मृत भेटिए

आनन्द गौतम

ताप्लेजुङ — मोरङको पथरी शनिश्चरे नगरपालिका वडा नं ९ घर भएका भीमकुमार मादेन लिम्बु  ताप्लेजुङको एक होटलमा मृत अवस्थामा भेटिएका छन् ।

मादेन सदरमुकाम फुङलिङस्थित तागेरा होटलको कोठामा मृत अवस्थामा भेटिएको जिल्ला प्रहरी कार्यालय ताप्लेजुङका सूचना अधिकारी प्रहरी निरीक्षक बिष्णुबहादुर खड्काले जानकारी दिए ।


होटलको कोठामा पसेका लिम्बूलाई खाना खान बोलाउँदा नआएपछि हेर्दा मृत अवस्थामा भेटिएको प्रहरीले जनाएको छ । प्रहरी निरिक्षक खड्काले मादेन मुटु र रक्तचापका बिरामी रहेको परिवारले जानकारी दिएको बताए ।


नियमित औषधि सेवन गर्ने मादेनको साथमा औषधि पनि पाइएको खड्काले जानकारी दिए । घटनाबारे आवस्यक अनुसन्धान जारी रहेको र मादेनका परिवार आइसकेकाले पोष्टमार्टम गरेर शव जिम्मा लगाउने तयारी भइरहेको प्रहरीले जनाएको छ ।


प्रकाशित : मंसिर १९, २०७६ ११:५४
प्रतिक्रिया
पठाउनुहोस्

पाल्पाको चौबिसमाइलमा जीप दुर्घटना, कम्तीमा दुईको मृत्यु 

माधव अर्याल

पाल्पा — पाल्पाबाट बुटवलतर्फ जाँदै गरेको जीप दुर्घटना हुँदा कम्तीमा दुईजनाको मृत्यु भएको छ । राजमार्गको तानसेन–बुटवल सडकखण्डको केराबारी र चौबिसमाइलको बीचमा भीरबाट जीप खसेको हो । 

लु १ ज ४२०९ नम्बरको जीप कतिबेला खसेको भन्ने जानकारी नभएको जिल्ला प्रहरी कार्यालयले जनाएको छ । स्थानीय प्रत्यक्षदर्शी सुजन श्रेष्ठका अनुसार भीरमा दुईवटा शव देखिएको र गाडी टुक्रा–टुक्रा भएर ५ सय मिटरभन्दा तलसम्म पुगेको छ ।

स्थानीयले छतजस्तो केही वस्तु देखिएपछि प्रहरीलाई खबर गरेको जनाएका छन् । श्रीनगर यातायात व्यवसायी समितिको जीप भएको र पश्चिम भेगमा चल्दै आएको समितिका कार्यालय प्रमुख भविन्द्र गौतमले जानकारी दिएका छन् ।

घटनाको विस्तृत विवरण आउन बाँकी छ ।

प्रकाशित : मंसिर १९, २०७६ ११:४५
पूरा पढ्नुहोस्
प्रतिक्रिया
पठाउनुहोस्
×