कान्तिपुर वेबसाईट
AdvertisementAdvertisement

‘सिद्धबाबा’ पक्राउ

कान्तिपुर संवाददाता

सुनसरी — अनुयायीलाई बलात्कार गरेको आरोपमा ‘सिद्धबाबा’ भनिने कृष्णबहादुर गिरीलाई प्रहरीले सोमबार नियन्त्रणमा लिएको छ । सुनसरीको बराहक्षेत्रस्थित चतराको रामानन्दाचार्य सेवा पीठका संरक्षक गिरीविरुद्ध मंसिर ११ मा उजुरी परेको थियो ।

विराटनगरस्थित विराट नर्सिङ होमबाट प्रहरीले नियन्त्रणमा लिई सुनसरी ल्याएको हो । अनुसन्धानका लागि हिरासतमा राख्न जिल्ला अदालतबाट प्रहरीले चार दिनको म्याद थप गराएको छ । मुटुरोगी बताइएका गिरीबारे अदालतले पनि ‘उनी जुन अस्पतालमा छन्, त्यहीँ राखेर उपचार जारी राख्न र त्यहीँबाट बयान लिन’ भनेको जिल्ला प्रहरी कार्यालयका प्रहरी नायब उपरीक्षक विनोद शर्माले बताए ।


प्रकाशित : मंसिर १७, २०७६ ०८:०४
प्रतिक्रिया
पठाउनुहोस्

जनकपुरमा १०८ जोडीको सामूहिक विवाह

सन्तोष सिंह

(धनुषा) — प्रदेश सरकार, विश्व हिन्दु परिषद् र ऐतिहासिक मणिमण्डप संरक्षण समितिको संयुक्त आयोजनामा जनकपुरमा एक सय आठ जोडीको सामूहिक आदर्श विवाह सम्पन्न भएको छ ।

मुख्यमन्त्री बेटी पढाउ,बेटी बचाउ कार्यक्रमअन्तर्गत मुख्यमन्त्री तथा मन्त्रिपरिषद् कार्यालयको आयोजनामा जनकपुरको मणिमण्डपमा सोमबार राति सामूहिक विवाह भएको हो । मुख्यमन्त्री लालबाबु राउतले यस्ता सामूहिक आदर्श विवाहले समाजमा सकारात्मक सन्देश जाने विश्वास व्यक्त गरे ।

नवविवाहित जोडीलाई सम्मान पत्र प्रदान गर्दै समाजमा नयाँ शोचको विकास हुने र प्रदेशको कुनै पनि स्थानमा हुने यस्ता आदर्श सामूहिक विवाह कार्यक्रममा प्रदेश सरकार खुलेर सहयोग गर्ने समेत बताए ।

नवविवाहित जोडीको आमा बुवाको राउतले प्रशंसा गर्दै सामूहिक विवाहले समाजको अभिशापको रुपमा रहेको दहेज प्रथा अन्त गर्न सहयोग पुग्ने विश्वाससमेत व्यक्त गरे ।


प्रकाशित : मंसिर १७, २०७६ ०७:५८
पूरा पढ्नुहोस्
प्रतिक्रिया
पठाउनुहोस्
×