मकालुमा नेकपाका पोख्रेल विजयी

कान्तिपुर संवाददाता

संखुवासभा — मकालु गाउँपालिकाको अध्यक्ष पदका लागि भएको उपनिर्वाचनमा नेकपाका तेजबहादुर पोख्रेल विजयी भएका छन् । उनले ३ हजार १८ मत ल्याएर विजयी भएका छन् । नेकपाका पोख्रेलले ८ सय २ मतको अन्तरले विजयी भएका हुन् । त्यस्तै नेपाली कांग्रेसका विमन पराजुलीले २ हजार २ सय १६ मत मात्र ल्याएका थिए । ९ हजार १ मत रहेको मकालुमा ५ हजार ७ सय ७४ मत खसेको थियो । मकालु गाउँपालिका अध्यक्ष पदका लागि सात दलले उम्मेदवारी दिएका थिए ।

ZenTravel

अध्यक्ष पदको तेस्रो पार्टी संघीय समाजवादी पार्टी नेपालका नुर्वु शेर्पाले ३ सय ३२ मत प्राप्त गरेका छन् । नेकपाका विजयी उम्मेदवार तेजबहादुर शिक्षक पेसाबाट अवकास लिएर राजनीतिक क्षेत्रमा आएका हुन् । मकालु गाउँपालिका अध्यक्ष खड्ग कटुवालको जिप दुर्घटनामा परेर २०७४ पुस ३० गते मृत्यु भएको थियो । उनी तत्कालिन एमालेबाट निर्वाचित भएका थिए ।

Meroghar

त्यस्तै, खाँदबारी नगरपालिका वडा नम्बर ३ मा पनि नेकपाकै उम्मेदवार विजयी भएका छन् । खाँदबारी नगरपालिका ३ मा नेकपाका भरत घिमिरे विजयी भएका हुन् । उनले ७ सय ९६ मत ल्याउँदा कांग्रेसका उम्मेदवार ४ सय ६७ मतमा सीमित भए ।

प्रकाशित : मंसिर १५, २०७६ १७:५८
प्रतिक्रिया
पठाउनुहोस्
ADVERTISEMENT

कोहलपुर–६ को उपनिर्वाचनमा नेकपाका थारु निर्वाचित

मधु शाही

बाँके — कोहलपुर नगरपालिका–६ को वडाअध्यक्ष पदमा नेकपाका रामशरण थारु विजयी भएका छन् । शनिबार भएको उपनिर्वाचनमा उनले ८ सय मत पाएर विजयी भएका हुन् । वडामा कुल मतदाता २ हजार २६ मध्ये ३ सय ९२ मत खसेको थिएन । कुल मतको ८० प्रतिशत मत खसेको थियो । यसमा १४ मत बदर भएको थियो । 

जसमा ७ सय ५१ पुरुष र ८ सय ८३ महिलाले मतदान गरेका थिए । कोहलपुर नगरपालिका पिपरिस्थित कृषि विकास बैंकको तालिम केन्द्रमा भएको मतगणनामा प्रतिद्धन्द्धी कांग्रेसका श्रीकृष्ण थारुले ७ सय ३६ मत मात्रै पाएका थिए । उनी विजयी रामशरणको भन्दा ६५ मतले पराजित भएका हुन् । त्यस्तै, राष्ट्रिय जनता पार्टीका श्रीधर सुवेदीले ६१ मत पाए । समाजवादी पार्टीका शुभाखर पोखरेलले १०, नेपाल मजदुर किसान पार्टीका दिपालक्ष्मी हमालले १३ मत पाए ।

२०७५ मंसिर ९ गते कोहलपुर–६ का पूर्वअध्यक्ष राममोहन थारुको निधन भएपछि उपचुनाव भएको हो ।

प्रकाशित : मंसिर १५, २०७६ १७:५३
पूरा पढ्नुहोस्
प्रतिक्रिया
पठाउनुहोस्
×