कान्तिपुर वेबसाईट
AdvertisementAdvertisement

गाडी पल्टिँदा ४ घाइते

प्रदीप मेन्याङ्बो

(सुनसरी) — सुनसरीको धरान उपमहानगर १३ अमरहाटमा आइतबार बिहानै गाडी पल्टिँदा ४ जना घाइते भएका छन् । धरानबाट तेह्रथुमतिर जाँदै गरेको को १ ज २८९२ नम्बरको टाटा सुमो अनियन्त्रित भइ सडकमै पल्टिएको थियो ।

घाइतेमध्ये तेह्रथुमको फाक्चामारा १ बस्ने भीमरानी लिम्बु र लिलादेवी लिम्बु गम्भीर घाइते भएका छन् । अन्य दुईजना काठमाडौं घर भएका सुमित्रा देवान र पुनम देवान सामान्य घाइते छन् । उनीहरुलाई उपचारको लागि बीपी कोइराला स्वास्थ्य विज्ञान प्रतिष्ठानको आकस्मिक कक्षमा पुर्‍याइए पनि सीटी स्क्यान बिग्रेकाले सख्त घाइते भिमरानी र लिलादेवीलाई बाहिर पठाइएको छ ।

उनीहरुलाई धरानकै विजयपुर हस्पीटलमा सीटी स्क्यान र थप उपचार भइरहेको प्रहरीले जनाएको छ । वृद्ध भिमरानीको एकापट्टिको कानै चुँडिएको प्रहरीले जनाएको छ । प्रहरीले चालकलाई नियन्त्रणमा लिएको जनाएको छ ।

प्रकाशित : मंसिर १५, २०७६ १२:२५
प्रतिक्रिया
पठाउनुहोस्

भक्तपुरबाट प्रदेशसभा सदस्यमा कांग्रेस उम्मेदवार निर्वाचित

लीला श्रेष्ठ

भक्तपुर — जिल्लाको प्रतिनिधिसभा सदस्य निर्वाचन क्षेत्र १ को (क) प्रदेशसभा सदस्यमा कांग्रेस उम्मेदवार कृष्णलाल भँडेल निर्वाचित भएका छन् । 

सत्तारुढ नेकपाका देवीप्रसाद ढकाललाई पराजित गर्दै भँडेल विजयी भएका हुन् ।

भँडेलले १३ हजार ४ सय ४९ मत प्राप्त गरे भने निकटतम प्रतिस्पर्धी ढकालले ११ हजार २ सय ६ मत मात्रै पाए । भक्तपुरमा कांग्रेस उम्मेदवारलाई राप्रपा (संयुक्त) ले सघाउने बताएको थियो ।

यसैगरी नेपाल मजदुर किसान पार्टीका उम्मेदवार निरव लवजूले ५ हजार ८ सय २९, राप्रपाका श्यामप्रसाद नेपालले ५ सय ७४ मत पाएका छन् भने साझा पार्टीका सुरज प्रधानले ३ सय ९३ मत मात्र पाए ।

२०७४ मा भएको प्रदेशसभा चुनावमा तत्कालीन नेपाल कम्युनिष्ट पार्टीका हरिशरण लामिछाने १२ हजार ७ सय८९ मत ल्याएर विजयी भएका थिए । कांग्रेसका जीवन खत्रीले ९९७७ मत ल्याएका थिए ।

कांग्रेसका पूर्वक्षेत्रीय सभापतिसमेत रहेर काम गरेका भँडेल पहिलो संविधानसभा २०६४ मा उम्मेदवार थिए । भँडेल पछिल्लो समय भक्तपुर क्षेत्र नम्बर १ मा रहेर पार्टीमा सक्रिय थिए । भँडेल कांग्रेस सभापति शेरबहादुर देउवा निकट नेता हुन् ।
उपनिर्वाचनअन्तर्गत भक्तपुर १ (क) मा आइतबार साढे ११ बजे मतगणना सकिएको थियो । शनिबार बिहान ७ देखि ५ बजेसम्म मतदान भएको थियो ।

प्रकाशित : मंसिर १५, २०७६ १२:०३
पूरा पढ्नुहोस्
प्रतिक्रिया
पठाउनुहोस्
×