कांग्रेसलाई नेकपाका बारेमा चिन्ता नलिन दाहालको आग्रह

प्रदीप मेन्याङ्बो

सुनसरी — मंसिर १४ मा हुने उपनिर्वाचनलाई लक्षित गर्दै नेकपाका अध्यक्ष तथा पूर्व प्रधानमन्त्री पुष्पकमल दाहालले नेकपाका बारेमा कांग्रेसलाई चिन्ता नगर्न आग्रह गरेका छन् । उनले कांग्रेसको अवस्था आफ्नै कारणले खस्किएकोले आफ्नै चिन्ता गर्न कांग्रेस नेताहरुलाई सुझाव दिए ।

ZenTravel

‘कांग्रेसले यस्तै प्रवृत्ति देखाएमा कुनै दिन कांग्रेस पनि थियो रे भन्ने दिन आउन सक्छ । बत्ति बालेर खोज्ने दिन आउन सक्छ,’ दाहालले भने । आफूहरुले कांग्रेसलाई गतिलो प्रतिपक्षीको रूपमा देख्न चाहेकोले कांग्रेसलाई कम्युनिष्टविरुद्ध नलाग्न आग्रह समेत गरे ।
धरानको चुनावी आमसभालाई सम्बोधन गर्दै उनले भने, ‘जसरी राष्ट्रपति महिला समुदायबाट हुनुभएको छ त्यसरी नै भविष्यमा नेकपाकै प्रस्तावमा समावेशी प्रतिनिधित्वको आधारमा आदिवासी–जनजाति महिला र मधेसी समुदायबाट पनि प्रधानमन्त्री बन्नेछन् ।’
यस्तै नेकपा संसदीय दलका उपनेता सुवाषचन्द्र नेम्वाङले मुलुकको विकास गर्ने दल नेकपामात्र भएको बताए । प्रधानमन्त्रीकै सक्रियतामा भारतले अतिक्रमण गरेको लिपुलेक, कालापानी फर्काउन पहल भइरहेको बताए । उनले भने, ‘तर यसै विषयलाई कांग्रेसले चुनावी एजेण्डा बनाएर नेकपा सरकार कमजोर रहेको देखाउन खोजेको छ । कालापानी, लिपुलेक, लिम्पियाधुरा नेपालको भूभाग रहेकाले नेपालको एक इञ्च जमिन पनि हड्पेको सहदैनौं । र अर्काको एक इञ्च जमिन चाहिँदैन ।’
यसअघि धरानमै आयोजित आमसभामा कांग्रेसका केन्द्रीय नेताहरुले धरानवासीलाई मंसिर १४ गते हुने उप–निर्वाचनमा मत र मन बदलेर कांग्रेसलाई भोट दिँदै कम्युनिष्टलाई सच्चिने मौका दिन आग्रह गरेका थिए । सभापति शेरबहादुर देउवालगायत नेताहरुले कम्युनिष्ट सरकारले जनताको आन्दोलनबाट प्राप्त लोकतन्त्र विरुद्ध वर्तमान सरकारले धावा बोलीरहेको आरोप लगाएका थिए ।

प्रकाशित : मंसिर ११, २०७६ १८:५८
ADVERTISEMENT
प्रतिक्रिया
पठाउनुहोस्
ADVERTISEMENT

प्रधानमन्त्रीको अन्तर्वार्ताले दाहाल सशंकित

कान्तिपुर संवाददाता

काठमाडौँ — नेकपा अध्यक्षद्वय केपी शर्मा ओली र पुष्यकमल दाहालबीचको कार्यविभाजनमा ‘प्रतिनिधिसभाको यस कार्यकालमा सरकारको नेतृत्व ओलीले गर्ने र राजनीतिक स्थायित्वको सन्देश दिने’ विषय रहेकाले नेकपाभित्र चासोका साथ हेरिएको छ । तर, प्रधानमन्त्रीको गत सोमबार कान्तिपुर टेलिभिजनमा आएको पछिल्लो अन्तर्वार्ताले दाहाललाई झस्काएको उनी निकट नेताहरुको बुझाइ छ । 

‘प्रधानमन्त्रीको पछिल्लो अन्तर्वार्तापछि केही आशंका देखिएका छन्, दाहाल निकट ति स्थायी कमिटी सदस्यले भने, ‘यद्यपी खास कुरा के हो भनेर बुझ्न केही समय पर्खिनु पर्छ । त्यसको पुष्टी उहाँहरुका कामले गर्छ ।’

प्रधानमन्त्री ओलीले कान्तिपुर टीभीलाई दिएको अन्तर्वार्तामा भनेका छन्, ‘अध्यक्ष कार्यकारी नै हुन्छ । दुवै कार्यकारी अध्यक्ष नै हो । यथार्थमा प्रथम म र द्वितीय उहाँ (दाहाल) हुनुहुन्छ । विगतमा दुई अध्यक्ष भएपनि पार्टी बैठकको अध्यक्षता र सञ्चालन मैले नै गर्थेँ । मैले अध्यक्षता नगर्दा म कार्यकारी होइन भन्ने होइन । म पनि कार्यकारी हो उहाँ पनि कार्यकारी हो । पहिले मैलेमात्रै अध्यक्षता गर्थें, अब उहाँले पनि गर्नुहुन्छ । कहिलेकाहिँ मैले पनि गर्छु । उहाँले पनि गर्नुहुन्छ ।'

नेकपाका सचिवालय बैठकको निर्णय छ, ‘अध्यक्ष कमरेड केपी शर्मा ओली प्रधानमन्त्रीको हैसियतले सरकारको काममा केन्द्रित हुने र अध्यक्ष कमरेड पुष्पकमल दाहाल प्रचण्ड कार्यकारी अधिकार सहित पार्टी काममा केन्द्रित हुने । बैठक संयुक्त अध्यक्षतामा सञ्चालन गर्ने । आमरूपमा बैठकको अध्यक्षता र सञ्चालन पुष्पकमल दाहालले गर्ने,’ योसँगै अर्को निर्णय छ, ‘प्रतिनिधिसभाको यस कार्यकालमा सरकारको नेतृत्व अध्यक्ष केपी शर्मा ओलीले गर्ने र राजनीतिक स्थायित्वको सन्देश दिने ।’

‘गएको डेढ वर्षमा मचाहिँ कार्यकारीजस्तो थिइन । मलाई ‘फिल’ पनि कार्यकारीजस्तो भएन । मलाई असहज जस्तो भएको थियो । अबचाहिँ सहज भयो । दुवै अध्यक्षलाई आफू कार्यकारी भएको ‘फिलिङ’ आयो,’ त्यही निर्णयलाई आधार मानेर दाहालले कान्तिपुर दैनिकलाई दिएको अन्तर्वार्तामा भनेका छन्,, ‘अब मैले पार्टी बैठकको अध्यक्षता गर्छु, एजेन्डा प्रस्तुत गर्छु, निर्णय गर्छु, देशभरिको पार्टी संगठन सञ्चालन गर्छु । त्यो गर्दाखेरि कमरेड केपी ओलीको सहमति लिन्छु नै । यो निर्णयको ठूलो परिवर्तन के हो भने दुइटै अध्यक्ष आआफ्ना ठाउँमा कार्यकारी भूमिकासहित भइयो ।’

प्रकाशित : मंसिर ११, २०७६ १७:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×