कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

पर्यटकीय क्षेत्र पूर्वाधारविहीन

तेह्रथुम — जिल्लाको तीनजुरे मिल्के जलजले (टिएमजे) क्षेत्रमा पूर्वाधार नहुँदा पर्यटकीय गतिविधि फस्टाउन सकेको छैन । यो क्षेत्र तेह्रथुम, संखुवासभा र ताप्लेजुङमा फैलिएको छ । यहाँ सडक, सुरक्षा, स्वास्थ्य, सञ्चार, होटललगायतका कुनै पनि पूर्वाधार निर्माणमा सरकारको ध्यान नदिएको स्थानीयको गुनासो छ ।

एकै स्थानमा २८ प्रजातिका गुराँस फुल्ने टिएमजेलाई सरकारले हालै नयाँ पर्यटकीय गन्तव्यमा समेटेको छ । कुम्भकर्ण, मकालु र कञ्चनजंगा हिमालको आधार शिविर जाने मुख्य पदमार्ग रहेको टिएमजे क्षेत्रमा पर्यटकलाई आधारभुत सुविधा समेत नभएको गुफा बजारकी हिमा खनालले बताइन् ।


गुफा बजार टिएमजे क्षेत्रको पदमार्गमा पर्छ । पर्यटकलाई बास बसाउने व्यवस्थासम्म गर्न नसकिएको चौकी बजारका होटल सञ्चालक उदयकुमार तामाङले बताए । चौकी बजारमा थोरै मात्र होटल छन् । तिनमा सय जना पर्यटक पनि अटाउन नसकिने तामाङको भनाइ छ । पुर्वी तराईबाट नजीक रहेको यो क्षेत्रमा पर्यटकका लागि आधारभुत सेवासुविधा निर्माण गर्नेतर्फ स्थानीय तहले समेत ध्यान दिएका छैनन् । पूर्वाधार निर्माणमा केही रकम खर्चिए पनि पर्याप्त नभएको मेन्छ्यायाम गाउँपालिका अध्यक्ष यादवबहादुर खापुङले बताए । तीन जिल्लाको संगम भएकाले एउटा मात्र स्थानीय तहले खर्च गर्न सक्ने उनको भनाइ छ ।

प्रकाशित : मंसिर ५, २०७६ ११:२१
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?