घर छेउमै माछा मार्दै [तस्बिरहरु]- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

घर छेउमै माछा मार्दै [तस्बिरहरु]

जितेन्द्र साह

कटहरी (मोरङ) — खोलानालामा पानीको स्तर बढ्ने गरी सोमबार राति मुसलधारे वर्षा भयो । विराटनगर सीमासँग जोडिएको थारु बहुल मोरङको कटहरी गाउँपालिका–१, जमटोकीका स्थानीयले मंगलबार झिसमिसेदेखि घर अगाडिको फराकिलो नाला र खाल्डोमा जमेको पानीमा माछा मार्न थाले । जालीमा माछा फसाउनेसँगै हेर्नेको पनि घुइँचो लाग्यो । कसैले एक बाल्टिन, कसैले आधी जम्मा पारे । तराई–मधेसको गाउँघरतिर वर्षायाममा यस्तो दृश्य देखिनु सामान्य हो । बाढी आएको बेला स्थानीय खोला, नहर र पोखरीको पानी खाल्डामा मिसिन्छ ।

अनि प्राकृतिक रुपले माछाको उत्पादन भइराखेको हुन्छ । जमेको फोहोर पानीको माछालाई मजाले सफा नगरी एवं राम्ररी नपकाइ खाँदा पेट दुख्ने, झाडापखाला र हैजा लाग्ने हुनाले यतातिर ध्यान दिनु पर्ने विराटनगरस्थित कोसी अञ्चल अस्पतालका मेडिकल सुपरिन्टेन्डेन्ट (मेसु) डा.गुणराज लोहनी बताउँछन् ।







प्रकाशित : आश्विन ७, २०७६ १२:४७
प्रतिक्रिया
पठाउनुहोस्

नेकपा र सीपीसीबीच पार्टीगत सहयोग सम्झौतामा हस्ताक्षर

कान्तिपुर संवाददाता

काठमाडौँ — नेकपा र चिनियाँ कम्युनिष्ट पार्टी (सीपीसी) बीच मंगलबार पार्टीगत सहयोग आदान-प्रदान गर्ने सम्झौतामा दुईपक्षीय समझदारी भएको छ । प्रधानमन्त्री  केपी शर्मा ओली र नेकपा अध्यक्ष पुष्पकमल दाहालको उपस्थितिमा नेपाल भ्रमणमा रहेका सीपीसी विदेश विभाग प्रमुख सङ ताओ र नेकपा विदेश विभाग प्रमुख माधव नेपालबीच समझदारी पत्रमा हस्ताक्षर भएको हो । 


दुवैपक्षीय भ्रमण, प्रशिक्षण अध्ययन अनुसन्धान लगायतका कामलाई पार्टी च्यानलबाट व्यवस्थित गर्नका लागि समझदारी भएको नेकपा विदेश विभाग उपप्रमुख विष्णु रिजालले जानकारी दिए । यसअघि पूर्व एमाले र पूर्वमाओवादीबीच सीपीसीको छुट्टाछुट्टै सम्बन्ध थियो । एकता भएपछि पनि दुवै पार्टीका च्यानलबाट सीपीसीले काम गर्दै आएको थियो । अब पार्टी एकिकृत भएकाले अब एउटै पार्टी च्यानलबाट सम्बन्ध अघि बढ्नेछ । अब नेकपा र सीपीसीबीच विचार आदानप्रदान र दुईपक्षीय भ्रमणहरु हुनेछन् ।

नेकपा स्कुल विभाग र सीपीसीको विदेश विभागको आयोजनामा सोमबारबाट ‘सी विचारधारा’ माथि छलफल चलिरहेको छ । यो छलफलमा चिनियाँ राष्ट्रपति सी चिनफिङको विचारधारामाथि बहस भइरहेको छ । सीपीसीका तर्फबाट संगठन विचार पार्टी अनुशासन लागयतका विषयमा कार्यपत्र प्रस्तुत भइरहेका छन् ।


तस्बिरहरु : अंगद ढकाल

प्रकाशित : आश्विन ७, २०७६ १२:४४
पूरा पढ्नुहोस्
प्रतिक्रिया
पठाउनुहोस्
×