बाढीले पुल बगाएपछि आवागमन प्रभावित
विराटनगर — सोलुखुम्बुको खुम्बु पासाङल्हामु गाउँपालिका–२ मा रहेको सुर्के खोलामा आएको बाढीले पुल बगाउँदा आवागमन अवरुद्ध बनेको छ । दुई दिनदेखिको वर्षापछि आएको बाढीले हिजो साँझ फलामे पुल बगाएको प्रदेश १ प्रहरी कार्यालयले जनाएको छ ।
पुल बगाउँदा सर्वसाधारणलाई आउजाउ गर्न समस्या भएको छ ।
यसैगरी घोडा र खच्चडबाट हुने गरेको उपभोग्य सामग्री ढुवानी पनि ठप्प भएको छ । काठको फड्के बनाएर अस्थायी रुपमा गाउँलेलाई आउजाउ गर्न सहयोग गरिएको प्रहरीले जनाएको छ ।
सोही खोलाको बाढीले सुर्के खोला पेल्ट्रिक सेटको पाइप र ट्यांकी बगाउँदा स्थानीय ५० घरमा बिजुली आपूर्ति बन्द भएको छ ।
प्रकाशित : भाद्र २८, २०७६ ०९:०३प्रतिक्रिया