मृतकका परिवारलाई प्रवासीको सहयोग
काठमाडौँ — पहिरोमा मृत्यु भएकाका परिवारलाई भोजपुर हातेमालो सेवा समाज यूएईले आर्थिक सहयोग गरेको छ ।
सामाजले भोजपुरको टेम्केमैयुङ गाउँपालिकाका मृतक जनक विकको परिवारलाई २५ हजार ९ सय ७९, रामप्रसाद राई गाउँपालिका–७ बासीखोराका जगतबहादुर राईको परिवारलाई २५ हजार ९ सय ७९ र साही गाउँपालिका–५ मानेभञ्याङमा ज्यान गुमाएकाका परिवारलाई ५२ हजार ७ सय ७५ सहयोग गरेको हो । आर्थिक सहयोग रामप्रसाद राई गाउँपालिकाका मृतकका परिवारलाई गाउँपालिका अध्यक्ष विजय राई र टेम्केमैयुङ गाउँपालिकामा अध्यक्ष ध्रुवराज राईले हस्तान्तरण गरेका समाजका केन्द्रीय अध्यक्ष भीम थापाले जानकारी दिए ।
साउदीबाट सुदिप बस्नेतले पठाएको १५ हजार ४ सय ५५ रुपैयाँ सहयोग गरिएको समाजका वरिष्ठ उपाध्यक्ष छिरिङ शेर्पाले बताए ।
समाजले रकम संकलन गर्न ३ जनाको संयोजकत्वमा समिति गठन गरेको थियो । गत असारको अरिवल वर्षात्ले रामप्रसाद राई गाउँपालिकामा ४ जना र टेम्केमैयुङ गाउँपालिकामा १ जनाको मृत्यु भएको थियो ।
प्रकाशित : भाद्र १५, २०७६ १३:०८