संरक्षणमा एक करोड

कान्तिपुर संवाददाता

ताप्लेजुङ — संरक्षणका लागि जिल्लामा एक करोड रुपैयाँ छुट्टिएको छ । विश्व वन्य जन्तु कोषको सहयोगमा सञ्चालित तीनजुरे मिल्के जलजले संरक्षण क्षेत्र (टीएमजे) ले सामुदायिक वन उपभोक्ता जिल्ला महासंघ र हिमाली संरक्षण मञ्चलाई कार्यक्रम कार्यान्वयनका लागि यो रकम प्रदान गर्ने भएको हो ।

बजेट यो आर्थिक वर्षमा खर्च गरिसक्नुपर्छ । सामुदायिक वनलाई ७० लाख ५५ हजार र संरक्षण मञ्चलाई ३० लाख रुपैयाँ छुट्याइएको छ ।

सामुदायिक वनका जिल्ला अध्यक्ष सुरज ओझाका अनुसार वनको सरसफाइ गर्ने, पोखरी निर्माण गर्ने, उपभोक्तालाई सामुदायिक वन र संरक्षणसम्बन्धी तालिम दिनेलगायत काम गरिने छ ।

पर्यटकीय स्थलहरूमा पैदलमार्ग बनाउने, होमस्टे निर्माण गर्नेलगायतमा पनि बजेट विनियोजन गरिएको छ ।

प्रकाशित : भाद्र १०, २०७६ १९:२१
ADVERTISEMENT
प्रतिक्रिया
पठाउनुहोस्

विद्यार्थीलाई चिनियाँ झोला

गणेश राई

काठमाडौँ — चाइना फाउन्डेसन फर पोभर्टी एलिभेसनले नक्सालस्थित केन्द्रीय बहिरा माध्यमिक विद्यालयका विद्यार्थीलाई झोला र स्टेसनरी प्रदान गरेको छ । फाउन्डेसनका डिपुटी डाइरेक्टर वाङ जुनले मंगलबार आयोजित समारोहमा ३ सय १३ विद्यार्थीलाई झोला प्रदान गरेका हुन् । 

उक्त फाउन्डेसनले २०७२ को भूकम्पपछि नेपालमा आपतकालीन उद्धार, राहत वितरण र पुनःस्थापनामा काम गर्दै आएको छ । ‘विद्यार्थीलाई झोला र केही सहयोगी सामग्री बाँडेर फाउन्डेसनको चौथो वार्षिकोत्सवका मनाउन पाउँदा खुसी लागेको छ,’ डिपुटी डाइरेक्टर वाङले भने, ‘चार वर्षमा हामीले २ लाख ९२ हजार ३ सय जनालाई लाभ दिलाउन सकेकोमा हामी आभारी छौं । मायाको कुनै सीमा हुँदैन भविष्यमा सहयोग गर्ने विश्वास राख्दछौं ।’

यो विद्यालय देशकै पहिलो केन्द्रीय बहिरा मावि हो । प्राचार्य उपेन्द्र पराजुलीका अनुसार पूर्वप्राथमिकदेखि कक्षा १० सम्म ३ सय १३ विद्यार्थी पढ्छन् । त्यसमध्यै १ सय ५२ जना छात्रा छन् । देशको ७७ वटै जिल्लाका बहिरा विद्यार्थीहरुलाई पढाइरहेकाप्राचार्य पराजुलीले बताए । उनका अनुसार विद्यार्थीहरुकाठमाडौं उपत्यकाको तीन जिल्लाका विभिन्न ठाउँमा डेरामा बसेर पढ्न आउने गरेका छन् ।

प्रकाशित : भाद्र १०, २०७६ १९:१७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT