अपांगता भएकालाई सहयोग

कान्तिपुर संवाददाता

मोरङ — कानेपोखरी गाउँपालिका ३ का देबेन्द्र लुईँटेलले अपांगता भएका २४ जनालाई सहायक सामग्री वितरण गरेका छन् । उनले गाउँपालिकाका विभिन्न वडाका १४ जनालाई हिृवल चेयर, ८ जनालाई बैसाखी र दृष्टिविहीन दुई जनालाई आई स्टिक निःशुल्क रुपमा वितरण गरेका हुन् । 

गाउँमा विपन्न परिवारका शारीरिक अपांगता भएका व्यक्तिहरुको तथ्यांक संकलन गरी चिकित्सकको परामर्शमा ती सामग्री वितरण गरेको लुईँटेलले बताए ।

करिब ३ लाख रुपैयाँमा ती सामग्रीहरु वितरण गरिएको उनले बताए । लुईँटेलले यसअघि सोही गाउँपालिकामा निःशुल्क रुपमा टोपी वितरण गरेका थिए ।

प्रकाशित : भाद्र ९, २०७६ २०:३६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कश्मीरमा गोर्खा सेना मारिए 

कान्तिपुर संवाददाता

दार्जिलिङ — जम्मु–कश्मीरको रजौरी जिल्लाअन्तर्गत नौशेरा सेक्टरमा पाकिस्तानी सेनाको गोली प्रहारमा गोर्खा राइफल्सका नायक राजीव थापाको ज्यान गएको छ । 

सेनाका अनुसार थापाको टाउकोमा गोली लागेको हो । शनिबार विमानमार्फत् बाघडुग्रा ल्याई थापाको अन्तिम संस्कार गरिएको छ । अंग्रेजले सहिद मेजर दुर्गा मल्ललाई फाँसी दिएको अगस्ट २५ लाई भारतीय नेपालीभाषीले बलिदान दिवसका रूपमा मनाउने गर्छन् ।

तर यसपालि अगस्ट २५ भने दार्जिलिङ र वरिपरिका नेपाली समुदायका लागि थप पीडादायी बन्यो । यसअघि गत डिसेम्बरमा पनि सोही ठाउँमा दार्जिलिङ लोअर लामाहट्टा सिग्रीताम बस्ती निवासी गोर्खा राइफल्सका सैनिक जीवन गुरुङको ज्यान गएको थियो ।

प्रकाशित : भाद्र ९, २०७६ २०:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT