टेलिकम र विद्युत प्राधिकरणलाई इटहरीका मेयरको चेतावनी 

प्रदीप मेन्याङ्बो

सुनसरी — चर्चा र विवादमा आएका इटहरी उपमहानगरपालिकका मेयर द्वारिकलाल चौधरीले नगरको सडक क्षेत्राधिकारभित्र रहेको अस्थायी संरचना हटाउने निर्णय गरेपछि फेरि चर्चामा आएका छन् । इटहरी नगरक्षेत्रमा सडक सुशासन कायम गर्न पूर्व पश्चिम सडकको लविपूर चौकदेखि रामधुनी नगरपालिकाको सिमानासम्म सडकको दायाँ बायाँ साढे ८२ फिट क्लियर गर्ने निर्णय गरेका छन् ।

उनले भने, ‘सडक किनार अतिक्रमण गरेर निर्माण भएका भौतिक संरचना हटाउन एक सातासम्म अनुरोध गर्छौं, त्यसपछि पनि नहटाएमा उपहानगरले आफै हटाउने निर्णय गरेका छौं ।’

अभियान सुरु गर्नुअघि उपमहानगरले आइतबार प्रदेश सरकार आन्तरिक मामिला तथा कानुन मन्त्रालयका सचिव भरतमणि रिजाल समेतको उपस्थितिमा सम्बन्धित विषयगत कार्यालय र सबै सरोकारवाला पक्षसँग छलफल गरेको प्रमुख चौधरीले बताए ।

छलफलमा सडक डिभिजन कार्यालय, टेलिकम, विद्युत, यातायात, उद्योग वाणिज्य संघ, जनप्रतिनिधिहरु लगायतको सहभागिता थियो । सरोकारवाला सबैसँग नगरप्रमुख द्वारिकलाल चौधरीले सडक सुशासन अभियानमा सहयोग गर्न आग्रह गर्दै सडकको अधिकार क्षेत्र साढे ८२ फुट भित्र रहेका संरचना हटाउन अनुरोध गरेका थिए ।

प्रमुख चौधरीले विद्युत प्राधिकारण र टेलिकमका पदाधिकारीसँग सडकमा गाडिएका पोल हटाएर उचित ठाउँमा नगाडे उपमहानगरपालिकाले उखेलिदिने चेतावनी दिएका थिए । चौधरीले चेतावनी दिएपछि विद्युत प्राधिकरणका प्रतिनिधिले विद्युतका पोल हटाउन प्राधिकरणले सहयोग गर्ने तर त्यसबापत लाग्ने शुल्क स्थानीय तहले नै ब्यहोर्नु पर्ने बताएका थिए ।

प्रकाशित : भाद्र ८, २०७६ १९:३०
ADVERTISEMENT
प्रतिक्रिया
पठाउनुहोस्
ADVERTISEMENT

६ सय वर्ष पुरानो बिहार जोगाउन गुठी संस्थान घेराउ (तस्बिरहरु)

दामोदर न्यौपाने, तस्बिर : केशव थापा

काठमाडौँ — असनको अशोकवृक्ष विहार (कोथुननी) जोगाउन स्थानीयवासी, सम्पदा संरक्षण अभियन्ता लगायतले आइतबार गुठी संस्थान घेराउ गरेका छन् । मठ मन्दिर, विहार जस्ता सम्पदा जोगाउन बनेको संस्थान नै मास्न लागेको भन्दै संस्थानले जोगाउन नसक्ने हो भने गुठीका जग्गामा स्थानीयवासी गुठीयार मिलेर सिमाना लगाउने उनीहरुले चेतावनी दिएका छन् ।

बाजागाजा सहित गुठी संस्थान केन्द्रीय कार्यालय गएका अभियन्ता, गुठीयारले संस्थान परिसरमा मानव साङलो बनाएर घेरा हालेका थिए । घेराउ कार्यक्रममा बोल्दै वक्ताहरुले संरक्षणको जिम्मेवारी लिएको निकाय सम्पदा मास्न लाग्ने हो भने जनताले कारबाही गर्ने चेतावनी दिए । ‘राज्यका निकायले कानुन पालना नगरी माफियालाई प्रोत्साहन गरिराख्छन् भने हामी समुदायको नियम बनाएर हाम्रा पुर्वजले पर्वपुजा चलाउन राखेको जग्गामा हामी घेर लगाएर संरक्षण गर्छौ,’ सम्पदा संरक्षण अभियन्ता गणपतिलाल श्रेष्ठले भने, ‘सम्पदा जोगाउने अभियान अब देशै भरी चलाउँछौं । नेपालका सम्पदा कहाँ कहाँ मासिएका छन्, त्यसको हिसाब माग्छौं अब जोगाउन खडा भएका निकायसँग ।’ संस्थानले बिहार भत्काएर कम्पलेक्स बनाउन लागेपछि उनीहरु चरणवद्ध आन्दोलनमा उत्रिएका हुन् । बिहार नमास्न माग गर्दै दुई महिनादेखि हस्ताक्षर अभियान समेत सञ्चालन गरेका थिए ।

प्रकाशित : भाद्र ८, २०७६ १९:१६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT