डुबेर ४ को मृत्यु

कान्तिपुर संवाददाता

विराटनगर — प्रदेश १ का विभिन्न जिल्लामा शनिबार पानीमा डुबेर ४ जनाको मृत्यु भएको छ । मोरङको रतुवामाई–७ सिजुवाका शिव मुखियाको १० वर्षीय छोरा आकाश मुखियाको खोलामा डुबेर मृत्यु भएको प्रहरीले जनाएको छ । 

प्रतिकात्मक तस्बिर ।

यसैगरी झापाको बिर्तामोड–३ विराटपोखरका रोशन बेसराको २ वर्षीय छोरा अजित बेसराको पनि खोलामा डुबेर मृत्यु भएको छ । शनिबार अपरान्ह पौने ४ बजेको समयमा खेल्ने क्रममा घर नजिकै रहेको अदुवा खोलामा डुबेर उनको मृत्यु भएको हो ।

यस्तै सुनसरीको इटहरी–६ का ४० वर्षीय मोहन भट्टराईको खेती खोलामा डुबेर मृत्यु भएको छ । खोलामा गएका भट्टाराई डुबेको अवस्थामा स्थानियले भेटेका थिए । सुनसरीकै रामधुनि नगरपालिका–६ इचोलका अन्दाजी ५० वर्षका सरिलाल राजधामी घर नजिकै रहेको पोखरीमा डुबेर मृत अवस्थामा फेला परेको प्रहरीले जनाएको छ ।

प्रकाशित : भाद्र १, २०७६ १७:४९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

चन्द समूहद्वारा मन्दिरको जग्गा कब्जा 

विप्लव महर्जन

सल्यान — तत्कालीन माओवादीले कब्जा गरेको खैराबाङ्ग भगवती मन्दिरको छत्रेस्वरी गाउँपालिका–६ लान्तीमा रहेको गुठीको ६ रोपनी १५ आना जग्गा प्रतिबन्धित चन्द समूहले कब्जा गरेको छ । झन्डा र कालो ब्यानर गाडेर चन्द समूहले उक्त जग्गा कब्जा गरेको हो । 


चन्द समूहको जनपरिषद्ले जग्गा कब्जाका गर्दै विक्री गरे कारबाहीको चेतावनी समेत दिएको छ।

जिल्ला प्रहरी कार्यालय सल्यानका प्रहरी नयाब उपरीक्षक वीरेन्द्रबहादुर शाहीले कसको जग्गा कब्जा गरे भन्ने बारेमा लालपुर्जा नहेरी केही भन्न नसकिने बताएका छन।

चन्द समूहले गाडेका झन्डा प्रहरीले हटाइसकेको र कसको जग्गा भन्ने बारेमा अनुसन्धान भैरहेको उनले जानकारी दिए।

प्रकाशित : भाद्र १, २०७६ १५:१९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT