लागूपदार्थसहित ३ युवा पक्राउ

पक्राउ परेकाहरु मध्ये राईलाई धरान १३ स्थित सुम्निमा चोक बिहीबार बिहान एक्लै हिडिरहेको बेला पक्राउ गरिएको हो । गस्तीमा रहेको प्रहरीलाई शंका लागेर खानतलासी गर्दा उनको गोजीबाट लुपिजेसिक १० एम्पुल, एभिल १० एम्पुल र डाइजेलाभ १० एम्पुल बरामद भएको थियो ।

यसैगरी प्रहरीले धरान प्रवेश गर्ने मुख्य नाका तीनकुनेबाट शाक्य र तामाङलाई पक्राउ गरेको थियो । इटहरीबाट धरान आउने सार्वजनिक बस चढेर आएका शाक्य र तामाङको साथबाट लुपिजेसिक ८१ एम्पुल, एभिल ८१ एम्पुल, डाईजेलाभ ८१ एम्पुल बरामद गरिएको प्रहरीले जनाएको छ ।

सार्वजनिक बस चेकचाँज गर्दा उनीहरुले बोकेको झोलाको भित्री भागको गोजी पनि सिलाएर बन्द गरेको अवस्थामा ती लागूपदार्थ फेला पारेको प्रहरीले जनाएको छ । तीनैजनाको गरी जम्मा २ सय ४३ एम्पुल लागूपदार्थ बरामद भएकाले उनीहरुलाई थप अनुसन्धान गर्न बिहीबार नै जिल्ला अदालतमा म्याद थप गरी अनुसन्धानकालागि हिरासतमा राखिएको छ ।