भोजपुरमा पोखरीमा डुबेर एक बालकको मृत्यु
भोजपुर — भोजपुरमा पोखरीमा डुबेर एक बालकको ज्यान गएको छ । रामप्रसाद राई गाउँपालिका-६ बैकुण्ठेका प्रकाश थापाको ४ वर्षे छोरा प्रमिश थापाको पोखरीमा डुबेर ज्यान गएको हो ।
सोमबार साँझ करिव ६ बजे गाईवस्तुलाई पानी खुवाउनको लागि बनाएको पोखरीमा डुबेर बालकको ज्यान गएको जिल्ला प्रहरी कार्यालय भोजपुरले जनाएको छ । साँझको समयमा साथीहरुसँग खेल्न जाँदा उक्त पोखरीमा डुबेको प्रहरीले जनाएको छ ।
मृतक बालकको शवलाई पोष्टमार्टमको लागि जिल्ला अस्पताल भोजपुर ल्याइने जिल्ला प्रहरी कार्यालय भोजपुरका प्रहरी निरीक्षक पाण्डव राजवंशीले बताए ।
प्रकाशित : श्रावण १४, २०७६ १४:०५