उपचारका लागि आर्थिक सहयोग
खोटाङ — आगोमा परेर सख्त घाइते बालकलाई तरुण दल खोटाङले आर्थिक सहयोग गरेको छ । साउन ३ गते आगोमा परेर घाइते भएका केपिलासगढी गाउँपालिका–४ का असारमान राईका ५ महिनाका छोरा प्रवीण राईलाई तरुण दलले एक लाख भन्दा बढी आर्थिक सहयोग गरेको हो ।
आगोमा परेर घाइते बालकको उपचार खर्च नभएपछि एक लाख १३ हजार तीन सय ६५ रुपैयाँ सहयोग गरेको तरुण दल खोटाङका अध्यक्ष भीषण राईले बताए ।
बालकको दिक्तेल अस्पतालमा उपचार हुन नसकेपछि थप उपचारका लागि काठमाडौंस्थित कान्ति बाल अस्पताल पठाइएको छ । उपचार खर्च नभएपछि घर फर्काउन लागिएको बालकको उपचारका लागि सहयोग जुटाइएको अध्यक्ष राईले सुनाए ।
कान्ति बाल अस्पतालमा उपचार गराउँदा लागेको खर्च समेत व्यवस्था मिलाइएको अध्यक्ष राईले सुनाए ।
प्रकाशित : श्रावण १२, २०७६ १८:५६प्रतिक्रिया
