यातनाविरुद्ध आयोगमा उजुरी
खोटाङ — लोकसेवा आयोगको परीक्षामा प्रश्नपत्र च्यातिएको प्रकरणमा पक्राउ परेका चारमध्ये दुईजनाले आफूहरूमाथि यातना दिएको भन्दै राष्ट्रिय मानव अधिकार आयोगमा शुक्रबार उजुरी दिएका छन् । शनिबार दिक्तेल बहुमुखी क्याम्पसमा लोकसेवा आयोगले सञ्चालन गरेको स्थानीय तह पाँचौं तहको परीक्षामा प्रश्नपत्र च्यात्ने रवीन खम्बु र एलबी मगरले पक्राउपछि यातना दिएको भन्दै उजुरी दिएका हुन् ।
आदिवासी जनजाति महासंघ जिल्ला परिषदका सचिव रवीन खम्बु र सहसचिव एलबी मगरले प्रमुख जिल्ला अधिकारी विष्णुहरि उपाध्यायले नियन्त्रण लिएपछि प्रहरीलाई कुट्न निर्देशन दिएकाले उजुरी दिएको रविन खम्बुले बताए । प्रजिअ उपाध्यायले भने नियन्त्रणको बेला झडप भएको बताएका छन् ।
प्रतिक्रिया