फिदिम-राँके सडकमा अझै पहिरो रोकिएन

फाल्गुनन्द–३ को पाग्रेंभीरमा बुधबार बेलुकाबाटै पहिरो खसेपछि सडक अवरुद्ध भएको थियो । बिहीबार पनि पहिरो खसेपछि सडक सञ्चालनमा आउन सकिरहेको छैन । बिहीबार साँझ ५ बजेसम्म पहिरो पन्छाउने काम गरेपनि नसकिएको जिल्ला ट्रफिक प्रहरी कार्यालयले जनाएको छ ।

कार्यालयका प्रमुख जनक तिम्सिनाका अनुसार पहिरो झर्ने क्रम नरोकिएकाले पन्छाउने कामलाई स्थगित गरिएको छ । रातिसम्म पनि पहिरो नरोकिए वैकल्पिक बाटो प्रयोग गरेर भएपनि सवारी आवगमनलाई सुचारु गरिने उनले जानकारी दिए ।