हतियारसहित ३ जना पक्राउ

कान्तिपुर संवाददाता

विराटनगर — इलाम नगरपालिका ३ बाट प्रहरीले हतियारसहित तीनजनालाई पक्राउ गरेको छ । हतियारधारी समूह हिँडडुल गरिरहेको सूचना पाएपछि पुगेको प्रहरी टोलीले तीनवटा भरुवा बन्दुकसहित दुईजनालाई पक्राउ गरेको हो ।

पक्राउ पर्नेमा सन्दकपुर गाउँपालिकाका ३५ वर्षीय रामकुमार राई र २७ वर्षीय कुमार फागो छन् । उनीहरुलाई जिल्ला प्रहरी कार्यालय इलाममा राखेर थप अनुसन्धान अघि बढाएको प्रहरीले जनाएको छ ।

प्रकाशित : श्रावण १, २०७६ ११:००
प्रतिक्रिया
पठाउनुहोस्
ADVERTISEMENT
ADVERTISEMENT

बाढीमा बगेर मृत्यु, बेपत्ता मृत फेला

कान्तिपुर संवाददाता

विराटनगर — संखुवासभाको मकालु गाउँपालिका ३ एकुवाकी एक महिलाको खोलामा बगेर मृत्यु भएको छ । स्वास्थ्य चौकीबाट फर्कने क्रममा बाटोमा पर्ने भ्यागुते खोलामा आएको बाढीले बगाएर स्थानीय ३४ वर्षीया मिङमा खङडु शेर्पाको मृत्यु भएको प्रदेश १ प्रहरी कार्यालयले जनाएको छ ।

यसैबीच, पैनीमा बगेर बेपत्ता भएकी मोरङको पथरी शनिश्चरेकी ११ वर्षीया सिर्जना तामाङ मृत फेला परेकी छन् । उनी मंगलबार घरभन्दा केही परको पैनीमा डुबेर बेपत्ता भएकी थिइन् ।

प्रकाशित : श्रावण १, २०७६ १०:५६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT