कान्तिपुर वेबसाईट
AdvertisementAdvertisement

मिर्गौला प्रत्यारोपणका लागि २ लाख सहयोग

कान्तिपुर संवाददाता

सुनसरी — मोरङको बेलबारी बस्ने ४४ वर्षीय सोमबहादुर श्रेष्ठलाई धरानका संस्थागत विद्यालयहरुले बुधबार २ लाख ३ हजार ९ सय रुपैयाँ आर्थिक सहयोग गरेका छन् । चार वर्षदेखि दुवै मिर्गौला खराब भएर उपचार (डाइलाइसिस) गरिरहेका श्रेष्ठलाई बचाउन संस्थागत विद्यालयहरुले आर्थिक सहयोग गरेका हुन् ।


धरानस्थित ज्ञानोदय सेकेण्डरीका भाइस प्रिन्सिपलसमेत रहेका उनका दाजु खेमराज श्रेष्ठले स्वदेश र विदेश बस्ने मनकारी नेपाली समुदायबाट उपचारका लागि सहयोग जुटिरहेको बताए । चिकित्सकले मिर्गौला प्रत्यारोपणको व्यवस्था नभएसम्म डाइलाइसिस गर्नु पर्ने सुझाव दिएको श्रेष्ठले बताए ।

उनले एउटा मिर्गौला प्रत्यारोपण गर्न कम्तीमा ४० लाख रुपैयाँ आवश्यक पर्ने भएकाले रकम जुटाउने अभियानमा लागेको श्रेष्ठले बताए । भाइ बचाउन आर्थिक संकलनमा जुटेका खेमराजले भने, ‘मिर्गौला प्रत्यारोपण गर्न खर्चिलो छ । चार वर्षको अवधिमा १२ मिर्गौला डाइलाइसीस र अन्य उपचारमा धेरै खर्च भएको छ । जति सक्दो चाँडो आर्थिक संकलनमा जुटेका छौं । सोही संकलित रकमले सोमबहादुरको मिर्गौला प्रत्यारोपण गर्ने सोच बनाएका छौं । आफ्नो गच्छेअनुसार आर्थिक सहयोग भएमा सोमबहादुरलाई बचाउन सकिन्छ भन्ने आशा पलाएको छ ।’


प्रकाशित : जेष्ठ २९, २०७६ १६:५०
प्रतिक्रिया
पठाउनुहोस्

एक्कासी बाँध खोल्दा खोलाले विद्यार्थी बगायो 

कान्तिपुर संवाददाता

धादिङ — टारीबेंसीको आँखुखोलामा लुगा धुन गएकी विद्यार्थी १९ वर्षीया विपना भुसाल बेपत्ता भएकी छिन् । आँखुखोला हाइड्रोपावरको बाँध खुलेर खोला बढेपछि भुसाललाई बगाएको हो । दाङ जिल्ला घर भएकी भुसाल विनायक कलेजमा हेल्थ असिसटेन्ट (एचए) अध्ययनरत थिइन् ।

उनी प्राथमिक स्वास्थ्य केन्द्र सल्यानटारमा प्रयोगात्मक कक्षाका लागि आएकी हुन् ।

खोला किनारमै लुगा धुदै गरेकी भुसाललाई टारीबेंसीबाट बगाएर बेपत्ता भएको प्रहरीले जनाएको छ । बाँध खोल्दा आँखुखोला हाइड्रोपावरले स्थानीयलाई पूर्वसूचना नदिएको सल्यानटार निवासी सामाजिक कार्यकर्ता सञ्जु श्रेष्ठले बताए ।

प्रकाशित : जेष्ठ २९, २०७६ १६:२६
पूरा पढ्नुहोस्
प्रतिक्रिया
पठाउनुहोस्
×