२८.१२°C काठमाडौं
कार्यक्रमस्थलमै हृदयाघातले मृत्यु
पाँचथर — सदरमुकाम फिदिम नगरपालिका-१४ महादेव गुप्तेश्वर माविका शिक्षक लालबहादुर फागोको स्वागत कार्यक्रम सञ्चालन भइरहेका बेला मृत्यु भएको छ । सोमबार आयोजित कार्यक्रममा मन्तव्य राखिसकेर कुर्सीमा बस्नासाथ उनको मृत्यु भएको थियो ।
उनी प्राथमिक तहको दरबन्दीमा जेठ १ गते नियुक्त भएका थिए । मन्तव्यपछि कुर्सीमा बस्नासाथ बेहोस भएका फागोको सहकर्मीले सम्हाल्दासम्हाल्दै मृत्यु भएको प्रधानाध्यापक कमल बाँस्कोटाले बताए ।
उनको हृदयाघातका कारण मृत्यु भएको अनुमान गरिएको प्रहरीले जनाएको छ ।
प्रकाशित : जेष्ठ ७, २०७६ १७:०७प्रतिक्रिया
