अधिकृत नहुँदा नागरिकता बनाउन समस्या

राईका ठाउँमा पठाइएका अर्का कर्मचारीसमेत अन्यत्रै गएपछि थप समस्या देखिएको छ ।

इलाका प्रशासन कार्यालयमा अधिृकत नहुँदा नागरिकता लिन अहिले त्यस क्षेत्रका बासिन्दा जिल्ला प्रशासन कार्यालय भोजपुर आउने गरेको जिल्ला प्रशासन कार्यालय भोजपुरका सहायक प्रमुख जिल्ला अधिकारी प्रयास भट्टराईले बताए । उनले भने, ‘अधिकृत समायोजन भएर गएपछि समस्या भएको हो । कोहि अधिकृत दिङ्लामा गएर काम गर्न नचाहने भएकाले अझ समस्या बढेको छ । ’

स्थानीय स्तरबाट नै सर्वसाधारणले प्रशासनिक सेवा सुविधा पाउनुपर्नेमा उत्तरी क्षेत्रका बासिन्दा भने नागरिकता बनाउन सदरमुकाम आउन बाध्य बनेको विषयमा गृह मन्त्रालयमा पनि जानकारी गराइएको भट्टराईले बताए । दिङ्ला लगायत उत्तरी क्षेत्रका मानिसहरुको दैनिक १०/१५ वटा नागरिकता तथा राहदानीका लागि निवेदन आउने गरेको छ ।