बजारमा अस्वस्थ र म्याद गुज्रेका खाद्यान्न

प्रदीप मेन्याङबो

सुनसरी — धरान उपमहानगरपालिका क्षेत्रमा रहेका मासु व्यवसायीले व्यवस्थित बधशालाको अभावमा मापदण्ड पूरा नगरी उपभोक्तालाई दूषित मासु बिक्री गरिरहेको पाइएको छ ।

सडक छेउको खुला ठाउँमा राखिएको धरानको मासु पसलमा अनुगमन गर्दैै ।तस्बिर : प्रदीप/कान्तिपुर

दसैं तिहार जस्ता चाडबाडमा थप बढी मासु खपत हुने भएकाले उपममहानगरपालिको मासु पसल अनुगमन गर्दा मापदण्ड पूरा नगरेको पाइएको हो ।

उपभोक्तामा स्वस्थ मासु बिक्री वितरणका लागि मापदण्ड कडाइका साथ पालना गराउन उपमहानगरपालिकाले अनुगमन सुरु गरेको हो । एक साताअघिमात्र मासु पसल सञ्चालकहरूलाई भेला गराएर मापदण्डअनुसार मासु पसल सञ्चालन गर्न भनेर तालिम समेत दिएको थियो ।

उपमहनपाका वातावरण अधिकृत भेषराज घिमिरेले भने, ‘सवै मासु पसलेले उपभोक्ताको हितमा मासु पसल सञ्चालन गरेको देखिएन । वडा ३ को माछा भौडी क्षेत्र र धरान ७ को राम मिनिमार्केट समेत गरी १२ वटा मासु पसलमा अनुगमन गर्दा सरसफाइ नभएको, मासु तौलने ढक तराजुमा सामान्य त्रुटि भेटिएको छ ।

खुला ठाउँमा मासु पसल राखेको, पशु बध गर्दा उक्त पशु रोग लागे नलागेको केही परीक्षण नगरेको, जथाभावी मासु राख्ने गरेको भेटिएका थिए । अनुमगन समितिले मासु व्यवसायीहरूलाई कुनै पनि बहानामा उपभोक्ताको स्वास्थ्यमा खेलबाड गर्न नमिल्ने चेतावनी दिएको छ । घिमिरेका अनुसार आउँदा दिनको स्थलगत अनुगमनमा मासु परीक्षण प्रयोगशाला सहित मासको मापदण्ड जाँच गरिने बताए ।

उपभोक्ताका लागि मासु तयार गर्दा पशुबधशालामा बध गरिएको हुनुपर्ने ऐनमा स्पष्ट उल्लेख छ । अनुगमन समितिका सदस्य केन्द्रीय खाद्य प्रविधि क्याम्पस हात्तिसारका सहप्राध्यापक खाद्य प्राविधिज्ञ बबिता अधिकारीले भनिन्, ‘उपभोक्ताले अहिले उपभोग गर्दै आएको आलो मासु खाने बानी स्वास्थ्यका लागि हानिकारक छ । कम्तीमा मासु काटिएको १२ घन्टा फ्रिजमा राखेर मात्र उपभोग गर्नुपर्छ । यसैअनुसार मासु व्यवसायीहरूलाई मासु फ्रिजमा राखेर मात्र बिक्री गर्न निर्देशन दिइएको छ ।’

अधिकृत घिमिरेले धरानको सवालमा भिआरसिले बाहेक अरूले मापदण्ड पुर्‍याउन नसकेको बताए । भिआरसी पसल मासु व्यवसायी संघका अध्यक्ष मदन तामाङले सञ्चालन गर्दै आएका छन् । उनले धरान– ११ मा पशुबधशाला समेत सञ्चालन गर्दै आएका छन् । सबै मासु पसलेका लागि एकीकृत बधशाला बनाउन ठूलै बजेट चाहिने भएकाले त्यसका लागि संघीय सरकारसँग माग गर्नुपर्ने संघका अध्यक्ष तामाङले बताए ।

राँगा बधशालाका लागि लागत बढी लाग्ने भएकाले हाल भिआरसीको जस्तो साना बधशाला नगरपालिकाले नै निर्माण गर्न सकिने उनले बताए । अनुगमनमा अधिकृत घिमिरे सहति भक्तिराज शर्मा, इलाका प्रहरीका निरीक्षक अशोककुमार जबेगु, इलाका प्रशासनका गजेन्द्र रम्तेल, खाद्य प्राविधिज्ञ अधिकारी, उद्योग वाणिज्य संघका गिरिधारी सापकोटा, उपभोक्ता मञ्चका कृष्णबहादुर ताम्राकार, मासु व्यवसायी संघ प्राविधिक मणिकलाल खड्गी वडा ३ का अध्यक्ष आशाकुमार श्रेष्ठ संलग्न थिए म्याद गुज्रेका खाद्य बस्तु फेला इटहरीका विभिन्न ठूला खाद्य पसलहरूमा म्याद गुज्रेका खाद्य पदार्थ फेला परेका छन् ।

चाडबाड नजिकिँदै गर्दा इटहरी उपमहानगरपालिकाले उपभोक्ताको स्वास्थ्यलाई ध्यान दिँदै बजार अनुगमन गर्दा म्याद गुज्रेका खाद्यबस्तु सँगै कहिले, कहाँ वनेको र कहिलेसम्म उपभोग गर्दा हुने केही पनि उल्लेख नगरिएको खाद्यपदार्थ पनि फेला परेको हो । उपमहानगरले बजार अनुगमन नियमावली बनाएर अनुगमन थालेको हो ।

उपमहानगरकी उपमेयर लक्ष्मी गौतमको नेतृत्वमा शुक्रबार खादय सामग्री बेच्ने होलसेल पसलहरूको अनुगमन गर्दा फेला परेका म्याद गुज्रेका खाद्य बस्तु बिक्री वितरण गर्नेलाई कारवाहीको दायरामा ल्याउने बताइन् । उनले भनिन्, ‘बजार अनुगमन गर्दा अखाद्य पदार्थ मिसावट, लेवल नभएका सामान र म्याद नाघेका खाद्य पदार्थ उपभोक्तालाई बिक्री गर्न राखेको पाइएकाले उपमहानगरले कानुनबमोजिम कारबाहीको दायरामा ल्याउनेछ ।’

इटहरी उपमहानगर वातावरण शाखा प्रमुख पुष्प नारायण चौधरीले दस महिनाअघि नै म्याद नाघेका जंक फुड, चिसो पेय पदार्थ बेच्न राखेको भेटिएको बताए ।

प्रकाशित : आश्विन २१, २०७५ ०९:४०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

उपमहानगरमा नि:शुल्क उपचार र औषधि

प्रदीप मेन्याङबो

सुनसरी — इटहरी उपमहानगरले नि:शुल्क औषधि र उपचार सेवा उपलब्ध गराउन सुरु गरेको छ । शहरी स्वास्थ्य प्रवद्र्धन केन्द्रमार्फत ओपीडी सेवा सञ्चालन गरेर औषधि र उपचार नि:शुल्क उपलव्ध गराउन थालेको हो ।

केन्द्रले उपचार गर्न आउने बिरामीलाई उनीहरूको रोगको प्रकृतिअनुसार ल्याब टेस्ट गर्नुका साथै उच्च रक्तचाप, मधुमेह, श्वासप्रश्वास र टाइफाइडजस्ता रोगको नि:शुल्क औषधि दिने गरेको छ । केन्द्रका अधिकृत चिकित्सक डा. गुन्जन त्रितालले भने, ‘दिनदिनै स्वास्थ्य सेवा महँगो हुँदै गइरहेको छ । हुनेखानेले निजी नर्सिङ होम वा महँगा अस्पतालमा उपचार गर्लान् तर सबैको पहुँच पुग्दैन । अस्पतालको पहुँच नभएका सर्वसाधारणलाई लक्षित गरेर इटहरी उपमहानगरले नि:शुल्क स्वास्थ्य सेवा दिइरहेको छ ।’


हाल केन्द्रमा नि:शुल्क औषधि र उपचारका लागि दैनिक ३० देखि ४० जना आइरहेका छन् । उच्च रक्तचाप र मधुमेहको औषधि खान सुरु गरेपछि जीवन भर खानुपर्ने भएकाले कम आयस्रोत भएका सहरी गरिबहरूले नियमित रूपमा किनेर खान नसक्ने भएकाले उपमहानगरले ती औषधि पनि नि:शुल्क उपलव्ध गराउन थालेको डा. त्रितालले बताए ।

उनका अनुसार सहरी रहनसहन र जीवनशैलीका कारण हुने रोगहरूको नि:शुल्क उपचारका लागि सुरु सहरी स्वास्थ्य प्रवद्र्धन केन्द्र सञ्चालन गरेर नि:शुल्क स्वास्थ्य सेवा दिएको हो । केन्द्रले स्वास्थ्य परीक्षणपछि आवश्यकताअनुसार उच्च रक्तचाप, युरिक एसिड, दम, निमोनिया र टाइडफाइडका लागि एन्टिबायोटिक एमोक्सिसिलिन, सिप्रोफ्लोक्सिन, पिसाबको संक्रमण, ज्वरो रुघाखोकीलगायतको औषधि नि:शुल्क वितरण गर्दै आएको डा त्रितालले बताए ।


उनका अनुसार ओपीडीमा पनि प्रेसर सुगर, बाथ, दम, थाइराइड, मोटोपन, मधुमेह, उच्च रक्तचापका बिरामी बढी आउने गरेका छन् । केन्द्रमा चिकित्सक, जनस्वास्थ्य अधिकृत, दुई जना स्टाफ नर्स, एक जना हेल्थ असिस्टेन्टलगायत ११ जनाले सेवा दिइरहेको उनले बताए । इटहरी उपमहानगरका प्रमुख प्रशासकीय अधिकृत छवि रिजालले केन्द्रमार्फत ७० प्रकारका औषधि नि:शुल्क दिइने गरेको बताए ।


उनले भने, ‘सहरी जीवनशैलीका कारण उत्पन्न हुने नसर्ने रोगहरू हुन नदिन र भइहाले रोकथाम गर्नका लागि स्वास्थ्य सल्लाह, परामर्श र उपचारका लागि उपमहानगरपालिकाले नि:शुल्क उपचार सेवा र औषधि दिन थालेको हो ।’

उनले केन्द्रलाई थप सुविधा सम्पन्न बनाउन स्वीकृत कार्यक्रमअनुसार रगत जाँच, एक्सरे, डिजिटल एक्सरे र भिडियो एक्सरे, ल्याबका लागि तयारी पनि गरिएको बताए । उपमहानगरपालिकाले केन्द्रमार्फत नै नि:शुल्क खोप कार्यक्रम र नि:शुल्क ल्याब सेवा प्रदान गर्नका लागि तयारी भइरहेको जनाएको छ ।

प्रकाशित : आश्विन १७, २०७५ ०७:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT