तालमा डुबेर वेपत्ता विद्यार्थी अझै फेला परेनन्

डुबेर वेपत्ता हुनेमा खुम्जुङका पेम्बादोर्जी शेर्पा र पेम्बानुरु शेर्पा, नाम्चेका सुनिल बराइली छन् । तिनै जना कक्षा ९ का छात्र हुन् । शैक्षिक भ्रमणकालागि गएका उनीहरु नुहाउने क्रममा शनिबार बिहान ८ बजेतिर तालमा डुबेका थिए ।

शुक्रबारदेखि अध्ययन भ्रमणकालागि ३३ जनाको टोली गोक्योतर्फ गएका थिए । वेपत्ताको खोजी जारी रहेको जिल्ला प्रहरी कार्यालय सोलुखुम्बुका डिएसपी रेशमबहादुर पराजुलीले बताए । सेना, प्रहरी र स्थानीयको प्रयासमा खोजी भइरहेको प्रहरीले जनाएको छ ।

स्थानीय गेलु शेर्पाका अनुसार मंगलबार बिहानैदेखि मौसम सफा भएकोले भेटिन सक्ने आशा गरिएको छ ।