डुबेर २ जनाको मृत्यु
विराटनगर — झापा र उदयपुरमा डुबेर दुईजनाको मृत्यु भएको छ । झापाको शिवसताक्षी नगरपालिका–७ स्थित पैनीमा डुबेर स्थानीय १० वर्षीय गणेश विश्वकर्माको सोमबार साँझ मृत्यु भएको प्रहरीले जनाएको छ ।
साथीहरुसित पौडी खेल्ने क्रममा डुबेर सिकिस्त भएका उनको उपचारका क्रममा मृत्यु भएको थियो ।
यसैगरी उदयपुरको कटारी नगरपालिका–६ आँपटारका १४ वर्षीय डिके विश्वकर्माको स्थानीय खोलामा डुबेर मृत्यु भएको छ । नुहाउने बेला खोलामा डुबेका उनलाई खोज्ने क्रममा मृत अवस्थामा फेला पारिएको प्रदेश १ प्रहरी कार्यालयले जनाएको छ ।
प्रकाशित : असार १२, २०७५ ११:५६
प्रतिक्रिया
