विराटनगर — सुनसरीको इटहरीबाट एसएलआर राइफलको गोलीसहित दुई युवकलाई प्रहरीले पक्राउ गरेको छ ।
इटहरी उपमहानगरपालिका–२ पानीपियाका १९ वर्षीय प्रेम आचार्य र सन्देशकुमार सुन्दासलाई बुधबार राति पक्राउ गरिएको प्रहरीले जनाएको छ । उनीहरुको साथबाट गोली बरामद गरिएको छ ।
उता, इलामको माङसेबुङ गाउँपालिका–३ का गौतम भनिने शनिहाङ साँवाको घरबाट दुईवटा भरुवा बन्दुक बरामद भएको छ ।
प्रहरीले उनको घरमा छामा मारेर बन्दुक बरामद गरेको जनाएको छ । जबर्जस्ती करणी मुद्दाका प्रतिवादी साँवाको घरमा बन्दुक रहेको सूचनाका आधारमा प्रहरीले खानतलासी गरेको थियो ।
प्रकाशित : जेष्ठ १०, २०७५ ०८:०७प्रतिक्रिया