मनाइयो पञ्चदान पर्व [तस्बिरहरु]

यो पर्वमा श्रद्धालुहरूले शाक्य, वज्राचार्य, ब्रह्मचारी भिक्षु र चैलक्य -ची-बहालमा चूडाकर्म गर्नेहरू) लाई चामल, धान, गहुँ, नुन, कालो भटमास, क्षीर, फलफूल र दक्षिणा दान गर्ने परम्परा छ। ललितपुरमा मात्र मनाइने यो पर्वलाई 'यलः पञ्चदान' पनि भन्ने गरिन्छ। नेपाल भाषामा 'यलः' को अर्थ ललितपुर भन्ने हुन्छ ।

पञ्चदान गर्नुअघि दान लिन आएकालाई टीका लगाई पूजासमेत गर्ने चलन छ । पञ्चदान लिइसकेपछि दान लिएकाले दानपतिको आयु, जन, धन, सन्तान, यश, ज्ञान वृद्धि तथा शान्ति र सुस्वास्थ्यको कामना गर्दै शुभकामना दिने गर्दछन्। पञ्चदानको अन्त्यमा ओकु बहालको दीपंकर बुद्धलाई पञ्चदान गराएपछि यो पर्व समापन हुन्छ।