एयर डाइनेस्टीको हेलिकप्टर दुर्घटनाका तस्बिरहरु

काठमाडौँ — त्रिभुवन विमानस्थलबाट ४ चिनियाँ यात्रु लिएर रसुवाको स्याफ्रुबेंसीका लागि उडेको एयर डाइनेस्टीको हेलिकप्टर नुवाकोटमा दुर्घटना हुँदा ५ जनाको मृत्यु भएको छ । उडेको ३ मिनेटमै सम्पर्कविहीन भएको हेलिकप्टर शिवपुरी गाउँपालिका-७ सूर्यचौर डाँडा र गुर्जेभन्ज्याङबीच (गुरुङगाउँको शिरान) मा दुर्घटना भएको हो ।

प्रहरीका अनुसार क्याप्टेन अरुण मल्ल उडाएको हेलिकप्टरमा ४ चिनियाँ नागरिक स्याफ्रुबेंसी जाँदै थिए । एयर डाइनेस्टीको हेलिकप्टर बुधबार १ बजेर १४ मिनेटमा त्रिभुवन विमानस्थलबाट उडेको थियो । प्रत्यक्षदर्शीका अनुसार हेलिकप्टर रुखमा ठोक्किएर आगो लाग्दै झरेको थियो ।