कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १९०

कोशी नामांकन विरोधमा मार्चपास

तस्बिर : केशव थापा

काठमाडौँ — कोशी प्रदेशको नाम खारेजी माग गर्दै पहिचान पक्षधर संगठनहरूले काठमाडौंमा प्रदर्शन गरेका छन् । बृहत् नागरिक आन्दोलन लगायत विभिन्न संगठनका अगुवाहरूले माइतीघरदेखि नयाँ वानेश्वरको संसद्‍ भवनसम्म मार्चपास गरेका हुन् । शुक्रबार काठमाडौंको माइतीघर मण्डलामा कोशी प्रदेशको नाम खारेज गर्न माग गर्दै विरोध प्रदर्शन भएको हो । शुक्रबार सचेत पहिचानवादी संघर्ष समिति, किरात याक्थुङ चुम्लुङ काठमाडौं लगायत पहिचानवादी संस्थाहरुले विरोध प्रदर्शन गरेका हुन् ।

प्रदर्शनमा नागरिक समाजका अगुवाहरूको पनि बाक्लो उपस्थिति छ । प्रदर्शनमा सहभागीमध्ये एक राजन मुकारुङले कुनै पनि आवाजलाई वार्ताद्वारा सम्बोधन गर्नु असल संस्कृति भएकाले चाँडो भन्दा चाँडो समस्या समाधानतर्फ जानु उचित हुने बताए । नागरिकको समस्या समाधान गर्न नसके प्रदेश सरकार र केन्द्र सरकारको नेतृत्वले राजीनामा दिनुपर्ने उनले बताए । यस्तै प्रदेश नामकंन विरोधको प्रदर्शनका क्रममा मृत्यु भएका लाजेहाङ लिम्बूलाई सहिद घोषणा गर्न पनि प्रदर्शनकारीहरूले माग गरेका छन् ।


प्रकाशित : चैत्र १७, २०७९ १६:२७
प्रतिक्रिया
पठाउनुहोस्